Борис Кирилович Христов
Борис Кирилович Христов (болг. Борис Христов; 1914 ж. 18 мамыр, Болгария, Пловдив — 1993 ж. 28 маусым, Италия, Рим) — болгарлық опера əншісі (бас).
| Борис Кирилович Христов болг. Борис Христов | |
| Туған күні |
Lua error Module:Wikidata ішіндегі 39 жолында: attempt to concatenate field '?' (a nil value). |
|---|---|
| Қайтыс болған күні | |
| Қайтыс болған жері | |
| Мамандықтары |
опера әншісі |
| Дауыс түрі |
бас |
Өмірбаяны
өңдеуБорис Христов 1914 жылдың 18 мамырында Пловдивте, Вардарлық Македониядан шыққан болгарлық қоғамтанушы жəне халықтық революционер Кирил Совичановтың отбасында дүниеге келген.
Христовтың əншілік таланты жас кезінде, Александр Невский шіркеуінің хор ұжымына қосылғанда белгілі болды. Алайда, əн айтумен бос уақытында айналысуды дұрыс көріп, заңгер мансабын таңдайды. Бұның барлығы 1942 жылы, оның шіркеудегі əнін болгарлық патша III Борис алғаш естігенде өзгерді. Христовтың əні патшаға əсер етіп, патша оған мемлекеттік шəкіртақы тағайындап, Италияға оқуға жібереді. Италияда Борис классикалық вокалды аңызға айналған итальяндық баритон Риккардо Страччариден үйренеді. Италиядағы саяси басқару кезеңінің ауысуына байланысты оқуы 1943 жылы тоқтайды, бұдан кейін Христов Болгарияға қайтып оралды. 1944 жылы Германияға барып, неміс опералық репертуарын зерттейді, бірақ Австрияда қамауға алынып, тұтқындалған азаматтарға арналған лагерьге орналастырылады. Босағаннан кейін Италияға оралып, Риккардо Страччариден оқуды жалғастырады.
Христов өзінің кəсіби дебютына 1945 жылы 28 желтоқсанда Римдағы "Санта Чечилия" академиясында жетті. Мұнда ол итальяндық жəне орыс репертуарының шығармаларын орындады. Опера сахнасындағы дебюты 1946 жылдың 12 мамырында орын алды. Христов «Богемдағы» Колленның партиясын орындады. Осы кезден 1986 жылғы өз мансабын аяқтағанға дейін бұлжымас жетістіктермен əлемнің ең үздік опера театрларында өнер көрсетіп жүрді.
Шығармашылығы
өңдеуХристов өзінің итальяндық, француздық жəне орыс опералық репертуарындағы қойылымдарымен танымал. Əртіс рөлдерінің қатарынан Бористің («Борис Годунов»), II Филипптің («Дон Карлос»), Мефистофелдің (Гуноның «Фаусты» мен Бойтоның «Мефистофелі»), Аттиланың («Аттила»), Фиесконың («Симон Бокканегра»), Досифейдің («Хованщина») жəне тағы басқа рөлдерін ерекше атап өтуге болады. Сонымен қатар, Христов өзінің шіркеудегі шабыттандырғыш əндері арқылы танымал.