Брусиловский атындағы көше (Алматы)

Көшеге қазақ саз өнерінің дамуына өпшеусіз үлес қосқан өнерпаз, Қазақстанның халық артисі, композитор Евгений Брусиловскийдің есімі (Алматы қаласы әкімінің 23.10.1991 № 15/398 қаулысы) берілген.

Брусиловский Евгений (1905-1981) Ресейдің Ростов облысында дүниеге келген. Ол - «Қыз Жібек», «Ер Тарғын», «Жалбыр», «Дудар-ай» опералық шығармаларының авторы. Опера және балет театрының музыка жетекшісі, Композиторлар Одағының төрағасы қызметтерін атқарған.

Көше солтүстіктен оңтүстікке қарай Райымбек даңғылынан басталып, Сәтпаев көшесіне дейін созылып жатыр. Қаланың Төле би, Есжанов, Қарасай батыр көшелері мен Абай даңғылын қиып өтеді.

Бұрынғы атауы - Руднев көшесі.

Көшенің ұзындығы - 3600 метр.