Біржан сал (фильм)

 Басқа мағыналар үшін Біржан сал деген бетті қараңыз.

«Біржан сал» — 2009 жылы шыққан тарихи драма. Фильм қазақ халқының аты аңызға айналған танымал ақыны және композиторы Біржан Қожағұлұлының өмірін бейнелейді.

Біржан сал
Жанры	тарихи драма
Режиссёрі	Досхан Жолжақсынов, Р. Әлпиев
Сценарийдің авторы	Таласбек Әсемқұлов
Басты рөлдерде	Досхан Жолжақсынов, Аша Матай, Сәбит Оразбаев, К. Түлегенов, Болат Әбділманов, Г. Тутова
Операторы	Р. Ибрагимов
Кинокомпания	Қазақфильм
Ұзақтығы	76 минут
Бюджеті	?
Мемлекет	Қазақстан
Тілі	қазақша
Шыққан жылы	2009

Фильм мазмұны

Бұл фильм тәкәппарлық пен бойсұну, намыс сезімі мен кемсіту, құрмет пен қиянатшылдықтың таңдауын көрсетеді. Сонымен қатар соңғы махаббат пен ащы жалғыздықтың аңызы.

Фильммен жұмыс істеу барысында аворлар экрандағы атмосфераны, сол кездің колоритін сипаттайтын егжей-тегжейлерге үлкен мән берді. Мұрағаттық материалдардың мұқият зерттелуі XIX ғасырдың соңындағы тұрмыс, сөйлеу және мінез-құлық егжей-тегжейлерін көрсетуге көмектесті.

Деректер

Түсірілімдер Біржанның туған жері – Көкшетау өлкесінде өткізілген. Табиғаты көркем жерде бірнеше ауылдар құрылды, өлке тұрғындары көпшілікті түсірілімдерде белсенділік көрсеткен.

Ш.Айманов атындағы «Қазақфильм» киностудиясының «Бiржан сал» фильмiне 587 миллион теңге жұмсалған. Түсiру жұмыстары екi жарым айға созылған. Сценарий 2004 жылы жазылған. Идея авторы, түсiрушiсi, басты рөлдi сомдаушы – Досқан Жолжақсынов.

Фильм 4 сағат 48 минуттан 2 сағат 10 минутқа дейiн қысқартылған.

Фильм премьерасы 3 қыркүйекте, 2009 жылы, «Алатау» кинотеатрында өткізілді.

Сыртқы сілтемелер

• «Қазақфильм» ресми беті Мұрағатталған 28 наурыздың 2012 жылы.  (орыс.)
• «Киностан» сайтында Мұрағатталған 7 маусымның 2016 жылы.