Бүлік

Бүлік (нем. putsch — бүлік) — арандатушы шағын топ жасаған мемлекеттік төңкеріс, немесе төңкеріс жасауға ұмтылған арандатушылық пиғыл. Бүлік, әдетте, мемлекет басқару пішімін өзгерту, саяси билікке ие болып, елде жаңаша, қатаң тәртіп орнату мақсатын көздейді. Мысалы, 1920 ж. наурыз айында болған Капп бүлігі — Германияда монархияны қалпына келтіріп, әскери диктатураны орнату мақсатымен рейхсвердің жоғары лауазымды офицерлері ұйымдастырған төңкеріс. Бірақ, олар көздеген мақсаттарына жете алмады. Сол сияқты 1991 ж. тамыз Бүлігі де бұрынғы КСРО елінде өркен жая бастаған демократиялық нышандарға қарсы шығып, елде қатаң әскери тәртіп орнатуды көздегендіктен, халық наразылығына ұшырап, жеңіліс тапты.

Тағы қараңыз

• Мемлекеттік төңкеріс
• Төңкеріс