Бұғылы (тау, Абай облысы)

Бұғылы – Сарыарқаның солтүстік-шығысында, Шаған өзенінің бастауындағы ұсақ шоқылы тау.

Бұғылы тауы
Сипаттамасы
Тау жүйесі	Сарыарқа
Пайда болған кезеңі	Ордовик, силур, неоген, төрттік кезең
Ұзындығы	30-35 км
Ені	15-18 км
Ең биік шыңы	Бұғылы тауы
Биіктігі	1061 м
Орналасуы
48°51′15″ с. е. 78°30′08″ ш. б.48.85417° с. е. 78.50222° ш. б. / 48.85417; 78.50222
Елдер	Қазақстан, Абай облысы Абай ауданында
Бұғылы тауы
Бұғылы тауы

Географиялық орны

Абай облысы Абай ауданында орналасқан. Ендік бағытта созылып жатқан тау сілемінің ұзындығы 30 – 35 км, ені 15 – 18 км. Ең биік жері – Бұғылы тауы (1061 м).

Геологиялық құрылымы

Ордовиктің жанартаутекті және силур кезеңдерінің гранитті, гранодиоритті тау жыныстарынан түзілген. Оларды неоген және төрттік кезеңдерінің элювийлі-делювийлі шөгінділері жапқан. Жер бедері биіктігі 50 м-ге жететін ұсақ шоқылы жондардан, денудацияланған жазықтардан тұрады.

Өсімдігі

Аласа таулы жердің қиыршықты қоңыр топырағында бұта аралас жусан, боз, селеу және селеулі-сұлыбасты өсімдіктер өседі.