Бұқара (ұйым)
Бұқара — 1917 жылғы Ақпан революциясынан кейін Бішкек қаласында құрылған қоғамдық-саяси ұйым. Ол мамыр айында К.Әлімбаев, И.Құдайбергенов, Н. Төлин секілді қырғыз зиялыларының ұйымдастыруымен құрылды. Сондай-ақ, бұл ұйымның қызметіне жергілікті қазақ халқының өкілдері де атсалысты. Ұйымның хатшысы қызметін бішкектік қазақ Ж.Отарбаев атқарған. “Бұқара” ұйымы Уақытша үкімет жағдайында жергілікті халықтың мүддесін қорғауды көздеді. Жергілікті өкімет орындарына өз өкілдерін енгізуге күш салды. Қыркүйек айынан бастап Бішкек уездік Қырғыз кентімен бірлесіп қызмет етті. Өлкеде кеңес өкіметінің орнауын қолдамады. Соның нәтижесінде “Бұқара” ұйымы мүшелері Алашорда үкіметінің Жетісудағы бөлімшесін ашуды жақтады. Бішкек уезінде кеңес өкіметі орнағаннан кейін “Бұқара” ұйымы өз қызметін тоқтатуға мәжбүр болды.
Дереккөздер
өңдеу“Қазақ Энциклопедиясы”, ||-том
| Бұл мақаланы Уикипедия сапа талаптарына лайықты болуы үшін уикилендіру қажет. |
| Бұл мақалада еш сурет жоқ.
Мақаланы жетілдіру үшін қажетті суретті енгізіп көмек беріңіз. Суретті қосқаннан кейін бұл үлгіні мақаладан аластаңыз.
|
|
Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |