Бөлек Қараұлы
Бөлек Қараұлы (1700, Алматы облысы, Еңбекшіқазақ ауданы — 1785, сонда) — батыр,би. Ұлы жүз Шапырашты тайпасының Асыл (Теке) руынан.
| Бөлек батыр Қараұлы | |
|---|---|
 Бөлек Қараұлы дулығасы | |
| Дүниеге келгені: |
1700 жыл Ақши |
| Қайтыс болғаны: | 1785 жыл |
| Ұлты: | қазақ |
| Мансабы: | Қазақ батыры |
Сатайдың тұңғыш немересі болғандықтан Сатай баласы атанып кеткен. Бөлек 18 ғасырдың 1-жартысында жоңғарларға қарсы күресте Шапырашты Наурызбай батырдың мыңбасы болған. 1729 жылы шайқаста жоңғар әскерлерінің қолбасы Аңырақаймен жекпе-жекке шығып, оны өлтірген. 1734 жылы орыс бодандығын қабылдау жөнінде Ресей патшасы Анна Иоанновна атына Қодар би, Төле би, Сатай батырмен бірге хат жолдауға қатысты. Бөлек батыр бастаған қазақ жасақтары 1750 жылы жоңғарларды Тұрфаннан асыра қуған.
Сәкен Сейфуллин жинақтап, 1931 жылы сол кездегі бірегей "Қазақстан" баспасынан шыққан "Қазақтың ескі әдебиет нұсқалары" жинағында Бұқар Жырау толғаулары да бар.
Бөлек батыр дулығасы
өңдеуБөлек Қараұлының дулығасы оның ұрпақтарымен сақталып, біздің заманымызға дейін жеткен. Елдің азаттығы үшін күрескен батырдың қазіргі ұрпақтары бұл затты ата-бабалар аңсаған тәуелсіздікке қол жеткізген бүгінгі Қазақстан Республикасының Бірінші Президентінің мұражайына 2005 жылы тапсырған.
Тұлғаға тағзым
өңдеу- Алматы облысының Еңбекшіқазақ ауданында Бөлек есімімен аталатын ауыл және ауылдық округ бар.
- Туған жері Ақши (Еңбекшіқазақ ауданы) Ақши аулындағы орталық көше Бөлек батыр есімімен аталған.
- Қазақстан Республикасы Үкіметінің 2016 жылғы 28 желтоқсандағы № 883 қаулысына сәйкес Алматы обласы, Еңбекшіқазақ ауданындағы Ақши орта мектебіне "Бөлек батыр атындағы орта мектеп" атауы берілді.[1]
Дереккөздер
өңдеу- ↑ “Қазақ Энциклопедиясы”,II-том
Сыртқы сілтемелер
өңдеу- http://catalog.karlib.kz/irbis64r_01/Kraeved/Personalii_kaz/Bukar_zhyrau/Saken_zhigan_Bukhar_zhyrau_tolgaulary.pdf
- Ұлы даланың ұлы бейнелері Мұрағатталған 4 наурыздың 2016 жылы.
- Қазақстан Республикасы Тұңғыш Президенті музейінің қару-жарақ коллекциясы Мұрағатталған 5 наурыздың 2016 жылы.
- Алматы облысының кейбір білім беру ұйымдарын қайта атау туралы (қолжетпейтін сілтеме)