Ванадаттар
Ванадаттар , табиғи ванадаттар – минералдар тобы, құрамы мен күрделілігі әр түрлі ортованадий қышқылының [Н3(VO4)] тұздары. 50-ге жуық минералдары (негізді және сулы тұздар) белгілі, оның көпшілігі өте сирек кездеседі. Ванадаттар гексогональдік, ромбылық, моноклиндік және триклиндік сингонияларда кристалданады. Негізінен ұнтақ, қабыршақ, кейде жақсы жетілген кристалдар түзеді. Түсі [VO4]3– анионына қатысты сары, қызыл немесе қоңыр қызыл, ал кейбір катиондар (Cu+ тәрізді) оларға түрлі реңкті жасыл түс береді.[1] Қатт. 1 – 4, тығызд. 2,5 – 2,7 г/см3. Ванадаттар – гипергендік минералдар. Сульфидтік кендердің тотығу белдемінде (деклуазит, купродеклуазит, ванадинит, пухерит) және эпитектік шөгінді жыныстарда (карнотит, түйемойнит, фольбортит және т.б.) түзілетін ванадаттар болып екі топқа бөлінеді. Ванадаттар ванадий кентасы ретінде пайдаланылады, сондай-ақ олардан кейде қорғасын, мырыш, мыс, уран, т.б. өндіріледі.[2]
Дереккөздер өңдеу
- ↑ Қазақ тілі терминдерінің салалық ғылыми түсіндірме сөздігі: Қ 17 Геология/Жалпы редакциясын басқарған — түсіндірме сөздіктер топтамасын шығару жөніндегі ғылыми-баспа бағдарламасының ғылыми жетекшісі, педагогика ғылымдарының докторы, профессор, Қазақстан Республикасы Мемлекеттік сыйлығының лауреаты А.Қ.Құсайышов — Алматы: "Мектеп" баспасы" ЖАҚ , 2003. — 248 бет. ӀSВN 5-7667-8188-1 ӀSВN 9965-16-512-2
- ↑ Қазақ Энциклопедиясы
| Бұл мақаланы Уикипедия сапа талаптарына лайықты болуы үшін уикилендіру қажет. |
| Бұл мақалада еш сурет жоқ.
Мақаланы жетілдіру үшін қажетті суретті енгізіп көмек беріңіз. Суретті қосқаннан кейін бұл үлгіні мақаладан аластаңыз.
|
|
Бұл — геология бойынша мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. |