Вий

«Вий» — Николай Васильевич Гоголь жазған мистикалық повесть.

Вий
Жанр	Повесть
Авторы	Николай Гоголь
Түпнұсқа тілі	орыс тілі
Жазылған жыл	1833 ж.
Жариялануы	1835 ж.

Алғаш рет «Миргород» жинағы құрамында жарияланды.

Шығарма желісі

Хома Брут есімді киевтік семинариске тапсырма беріледі: ол қайтыс болған бір аруға арнап үш түн бойы дұға оқуы керек. Сөйтіп, шіркеуге мәйітпен бірге қамалады. Бірінші түні мәйіт тіріліп, Хоманы іздей бастайды. Ал Хома өзі тұрған жерге қорғайтын шеңбер салады да, дұғаларын оқуды жалғастыра береді. Екінші түні арудың мәйіті әртүрлі жын-шайтандарды көмекке шақырады, бірақ олар да шеңберден аттап өте алмайды. Сонда үшінші түні Вий деген албасты шақырылады: оның жерге дейін жететін қабақтары бар, олар ашылса, ешкім өлімнен құтыла алмайды деген сөз.

Экрандалуы

Шығарма желісімен түсірілген алғашқы фильмдер дыбыссыз болды, олар бүгінгі күнге шейін жеткен жоқ.

1967 жылы Леонид Куравлёв пен Наталья Варлей түскен фильм шығады.

2014 жылы Вий 3D фильмі шықты. Басқа да фильмдер бар.

Сілтемелер

• Ортаққорда бұған қатысты медиа файлдар бар: Вий