Виктор Мозес

Виктор Мозес (ағылш. Victor Moses, 12 желтоқсан 1990 жыл, Кадуна, Нигерия) — нигериялық футболшы, "Челси" клубы менен Нигерия құрамасында жартылай қорғаушысы болып ойнайды.

Виктор Мозес
Жалпы мағлұмат
Туған күні	12 желтоқсан 1990 (1990-12-12) (33 жас)
Туған жері	Кадуна, Нигерия
Азаматтығы	Нигерия
Бойы	179
Салмағы	73
Позиция	шабуылшы, жартылай қорғаушы
Клуб жайлы ақпарат
Клуб	Спартак
Номері	8
Жастар клубы 2001 Космос 90 2001—2007 Кристал Пэлас Клуб карьерасы 2007—2010 Кристал Пэлас 58 (11) 2010—2012 Уиган Атлетик 74 (8) 2012— Челси 87 (7) 2013—2014 →  Ливерпуль 19 (1) 2014—2015 →  Сток Сити 19 (3) 2015—2016 →  Вест Хэм Юнайтед 21 (1) 2019 →  Фенербахче 20 (5) 2020 →  Интернационале 12 (0) 2020— →  Спартак Ұлттық құрамы 2005 Англия-16 1 (0) 2006—2007 Англия-17 15 (9) 2008—2009 Англия-19 12 (2) 2010 Англия-21 1 (0) 2012—2018 Нигерия 28 (10)

Карьерасы

Клубтық

Виктор Мозес Нигерияда дүниеге келген. Мемлекеттегі діни көтерілістерден соң ата-анасынан айрылды да, асырап алған отбасымен бірге Англияға көшіп кетті. Футбол мектебінде оқып жүріп ең әуелі "Кристалл Пэлас" селекционерлерінің көзіне түсіп, 11 жасында сол клубтың академиясына қабылданды.

Карьерасын "Кристалл Пэластың" жастар клубында бастады. 2007 жылы 6 қаңтарда бірінші рет кәсіпқой футболшы ретінде алаңға шықты. Алғашқы добын 2008 жылдың қысында соқты. Сол маусымда-ақ негізгі құрам ойыншыларының біріне айналып, 2010 жылы қаңтарда "Уиган Атлетикке" ауысты.

2012 жылы оны "Челси" сатып алды. Алайда, 2016 жылға дейін "Ливерпуль", "Сток Сити", "Вест Хэм" секілді клубтарға жалға беріліп, лондондық клубта мүлдем ойнаған жоқ. 2015 жылы "Челсимен" келісім шартын 2019 жылға дейін ұзартты.

2019 жылы қаңтар айында "Фенербахчеге" жалға берілді.

2020 жылы қаңтарда "Интернационалеге" жарты жылға жалға берілді. Қыркүйекте "Челсиге" қайта оралды. Қазан айында қайтадан Мәскеудің "Спартагына" жалға кетті.

Ұлттық құрама

Виктор Англияның түрлі жастағы құрамасында ойнап шықты. Бірақ 2011 жылы тарихи отаны Нигерияны таңдады. Ол жастар құрамасында ойнағандықтан, бірден Нигерия сапында алаңға шыға алған жоқ, ФИФА-ның рұқсатын күтті. 2011 жылы 1 қараша күні ФИФА Нигерия құрамасында доп тебуге рұқсат берді.

Жетістіктері

Командалық

«Челси»

• Еуропа Лигасы: 2012/13
• Англия чемпионы: 2016/2017
• Англия кубогы: 2017/18

Нигерия құрамасы

• Африка чемпионы: 2013

Жеке

• Африка Ұлттары кубогындағы ең адал ойыншы: 2013

Сілтемелер

• Профилі Мұрағатталған 22 ақпанның 2014 жылы. (Chelsea-fc.ru) (орыс.)
• Профилі Мұрағатталған 17 шілденің 2014 жылы. (Chelseafc.com) (ағыл.)
• Профилі (Worldfootball.net) (ағыл.)
• Профилі (Football-lineups.com) (ағыл.)