Виктор Робертович Цой

Ви́ктор Ро́бертович Цой (21 маусым 1962 жыл, Ленинград, КСРО—15 тамыз 1990 жыл, 35-ші км Слока—Талси шоссесі, Латвия) – кеңестік рок-музыкант, әнші, сазгер, «Кино» тобының жетекшісі.

Виктор Цой
Негізгі ақпарат
Толық аты	Виктор Робертович Цой
Туған күні	21 маусым 1962 (1962-06-21)
Туған жері	Ленинград, РСФСР, КСРО
Қайтыс болған күні	15 тамыз 1990 (1990-08-15) (28 жас)
Қайтыс болған жері	35-ші км Слока—Талси шоссесі, Латвия
Белсенділік жылдары	1978 - 1990
Мемлекет	КСРО
Мамандықтары	әнші, актер, сазгер, суретші, ақын, кочегар
Жанрлары	рок
Ұжымдары	Палата № 6 Гарин и гиперболоиды Автоматические удовлетворители Кино
Қызметтес болған	Юрий Айзеншпис
Лейблдері	АнТроп, Мелодия

Өмірбаяны

Виктор Цой 1962 жылы 21 маусымда Ленинградтың Мәскеу ауданында туған. Анасы – Валентина Васильевна Цой, денешынықтыру пәнінің мұғалімі (1937 жылы 8 қаңтар – 2009 жылы 28 қараша) және әкесі ─ Роберт Максимович Цой, инженер. Отбасындағы жалғыз ұл. 1974-1977 жылдары көркем орта мектебіне барады. Осында Максим Пашков басқарған «Палата №6» тобы құрылған болатын. Жас кезінде Михаил Боярский мен Владимер Высоцкийдің жанкүйері болады, кейінірек Брюс Лидің бейнесіне еліктей бастады.

Өнері

1970 жылдың аяғы мен 1980 жылдардың басында әуесқой «Пилигрим» тобындағы Алексей Рыбин мен «Палата №6» тобының бас-гитарашысы Виктор Цой тығыз қарым-қатынаста болады. 1981 жылы Виктор Цой, Алексей Рыбин және Олег Валинский «Гарин және Гиперболоиды» тобын құрды. Бұл топ сол жылы күзде Ленинград рок-тобының мүшелігіне кірді. Валинский әскер қатарына кеткеннен кейін топ өзінің атын «Кино» деп өзгертеді. Виктор «Игла», «Конец каникул», «Асса», «Яхха», «Рок» фильмдерінде түскен. 1990 жылы 24 маусымда Мәскеуде Үлкен спорт аренасында «Кино» тобының ең соңғы концерті өтеді.

Қайтыс болуы

1990 жылы 15 тамызда Виктор Цой көлік апатынан қайтыс болады. 19 тамызда Виктор Цой Богослов зиратына жерленді.

Өзі туралы

Цой жүзден көп өлең жазған. Виктор Цой жапонның дәстүрлі мүсіндерін ойып жасаған. Виктор Цой өзі жазған «Дети минут» әні бірнеше жылдан кейін ғана Вячеслав Бутусовтың көмегімен «Игла Remix» арнайы киносында орындалды.