Виктор Яковлевич Субботин

Виктор Яковлевич Субботин (8 қыркүйек 1911 жылы Пермь облысында туған)- қазақстандық селекционер - зоотехник. Қаз АКСР - нің еңбек сіңірген зоотехнигі (1971).

Субботин Виктор Яковлевич
Туған күні	8 қыркүйек 1911 (1911-09-08)
Туған жері	Кудымкар, Пермь өлкесі, Ресей империясы
Қайтыс болған күні	23 қазан 1994 (1994-10-23) (83 жас)
Қайтыс болған жері	Алматы, Қазақстан
Азаматтығы	Қазақстан  КСРО (1922-1991) Ресей империясы (1911-1922)
Ғылыми аясы	зоотехния
Несімен белгілі	Қазақтың ақ бас сиырын шығаруының селекциялық жұмысымен

Өмірі

Мәскеудің зоотехникалық институтын бітіріп (1935), Қарағанды облысы Тельман селосында, кейін Семей облысы "Шалабай" асыл тұқымды мал селосында аға зоотехник, 1938-47 жылдары Қаз АКСР Совхоздар халкомында зоотехник, аға зоотехник, бас зоотехник, зоотехника бөлімі бастығы.

1947-54 жылдары Қазақ АКСР Совхоздар министрлігі аппаратында зоотехния бөлімі бастығы, коллегия мүшесі, Солтүстік совхоздар басқармасы бастығының орынбасары, Мал шаруашлығы басқармасының бастығы, министрдің орынбасары.

1954-64 жылдары Қазақстан КП ОК-нде ауыл шаруашылығы бөлім меңгерушісінің орынбасары, осы бөлімнің меңгерушісі, Қазақстан КП ОК-нің ауыл шаруашылығына басшылық ету бюросы председателінің орынбасары, 1964-65 жылдары Қаз АКСР ауыл шаруашылығы министрі.

1965 жылдан Қаз АКСР ауыл шаруашылығы министрінің орынбасары

Еңбектері мен марапаттары

Субботин мал шаруашылығы жөнінде 20-дан астам ғылыми еңбек жариялады.

Қазақтың ақ бас сиырын шығаруда селекциялық жұмыстағы еңбегі үшін (бір топ ғалымдармен бірге) Субботинге КСРО Мемлекет сыйлығының лауреаты атағы берілді (1951).

4 рет Еңбек Қызыл Ту орденімен және медальдармен наградталған.