Владимир Николаевич Каплич

Владимир Николаевич Каплич - 1967 жылы 5 қазанда Павлодар облысы Екібастұз қаласында туған. Белорус.

Әкесі - Каплич Николай Игнатович, зейнеткер, «Северный» қимасындағы роторлық экскаваторда аға машинист болған. Анасы - Каплич Галина Андреевна, зейнеткер, «Богатырь» қимасында ТББ шебері болған.

Екібастұз тау-кен техникумын бітірген (1986), электровоз машинисі. Қалалық мүгедектер қоғамының мүшесі.

Тірек-қозғалу аппараттары зақымданған арбада отыратын мүгедектер арасындағы үстел теннисі бойынша ҚР 13 мәрте чемпионы; Мәскеу қаласының чемпионы (1987); ТМД чемпионатының жүлдегері - 1-ші орын (Витебск, 1992); Халықаралық ойындардың (Англия, 1993; Дания, 1996), Азия ойындарының - 4-ші орын (Таиланд, 1999) қатысушысы; ТМД және Прибалтика елдері чемпионатының үш мәрте жүлдегері - 1-ші орын (Пенза, 2001, 2002, 2003); Азия ойындарының қола жүлдегері (Пусан, 2003).

Үстел теннисі бойынша республикалық, сондай-ақ шет елдік деңгейдегі спорттағы табыстары үшін көптеген сыйлықтармен марапатталған.

Бойдақ.