Гай Лэ Стрэнж
Гай Лэ Стрэнж (ағылш. Guy Le Strange; 1854 жыл, Англия — 1933 жыл, Кэмбридж, Англия) — ағылшындық шығыстанушы.
Саяхаттары мен кітаптары өңдеу
Гай Британияда туылғанымен өмірінің көп бөлігін шетелде өткізген. Анасымен бірге Парижге келген Гай онда шығыстанушы Джулиос Молмен (Julius Mohl) танысады. Джулиос Мол Шахнамені француз тіліне аударған адам. Джулиуспен кездескен жылдары Гайдің шет тіліне деген қызушылығы пайда болады. Осы қызығушылығының арқасында Парижде шығыстанушы Станислас Гайардтің (Stanislas Guyard) араб тілі сабақтарына қатысады. 1877-80 жылдары ежелгі Парсы еліне саяхатқа шығады. Мұнда 3 жыл қалып, парсы тілімен әдет-ғұрпы, тарихы жайлы мағлұматтар жинайды. 1882 жылы Хаггардтың (Haggard) көмегімен парсы және ағылшын тілдерінде «The Vizir of Lankuran» кітабы, 1886 жылы «The Alchemist» кітабы жарыққа шығады.
1900 жылы «Baghdad During the Abbasid Caliphate» (Аббаси халифаты тұсындағы Бағдад) кітабы жарыққа шықты. 1905 жылы «The Lands of the Eastren Caliphate» (Шығыс Халифат елдері) атты кітабы баспадан шықты. 1915 жылы Хамдилла әл-Мустауфа әл-Қазуинидің «Нәзһәтул Қулуб» кітабын ағылшын тіліне аударып, баспадан шығарды. Гай Лэ Стрэнж өмірін ғылымға арнаған жандардың бірі болды.
Гай Лэ Стрэнждің «The Lands of the Eastren Caliphate» (Шығыс Халифат елдері) атты кітабы шамамен 600 беттен тұрады. Кітап 1905 жылы жарыққа шыққан, араб тіліне 1985 жылы аударылған. Аудармашылар Башир Френсис, Коркис Аууад . Кітапта тарих беттерінен білетін қалалардың есімі келген. Мысалы: Исфиджаб, Яссы, Отырар т.б. Автор кітабының соңғы 34 бөлімін Сыр бойындағы қалаларға арнаған. 517-532 беттер. Бөлім ішінде Өзкент, Ош, Шаш, Исбижаб, Сайрам, Шымкент, Фараб, Ясы, Сауран, Женд, Йангикент, Тараз, Мерке қалалары жайлы мағлұматтар келген. Дегенмен мәліметтер толық емес. Тек азғана сипаттамаларымен келген.[1][2][3]
Кітаптарының тізімі өңдеу
- 1882 жылы «The Vizir of Lankuran»
- 1886 жылы «The Alchemist»
- 1890 жылы «Palestine under the Moslems»
- 1900 жылы «Baghdad During the Abbasid Caliphate»
- 1905 жылы «The Lands of the Eastren Caliphate»
- 1915 жылы Хамдилла әл-Мустауфа әл-Қазуинидің «Нәзһәтул Қулуб» кітабын ағылшын тіліне аударып, баспадан шығарды.
Дереккөздер өңдеу
- ↑ Араб тілінен аударған: Ұлықбек Алиакбарұлы http://kattani.kz/ Мұрағатталған 22 қарашаның 2011 жылы. сайтының администраторы, арабист, дінтанушы. 30.10.2011 жыл.
- ↑ «The Lands of the Eastren Caliphate» Guy Le Strange 1905 жыл. «Булдан әл-Хилафа әл-Шарқийа» Гай Лэ Стрэнж. Араб тіліне аударғандар: Башир Френсис, Коркис Аууад. 2-басылым. Бейрут 1985 жыл.
- ↑ بلدان الخلافة الشرقية / كي لسترنج / ط1 / سنة 1371 م بغداد
Сыртқы сілтемелер өңдеу
| Ортаққорда бұған қатысты медиа файлдар бар: Гай Лэ Стрэнж |
- Guy Le Strange The Lands of the Eastern Caliphate: Mesopotamia, Persia, and Central Asia from the Moslem Conquest to the Time of Timur — Cosimo, Inc., 2011. — 576 б. — ISBN 1616405120.