Хәрри Поттер

(Гарри Поттер бетінен бағытталған)

Хәрри Поттер (ағылш. Harry Potter) − Ұлыбританиялық жазушы Жоан Роулиң жазған 7 томдық қиял-ғажайып шығармалар жинағы. Кітапта Хогуартс сиқыр мектебінің оқушысы Хәрри Поттер мен оның достары Роналд Уизли мен Хәрмиона Грейнджердің бастан кешкен оқиғалары туралы баяндалады. Оқиға желісі Гарри Поттер мен Волдеморт арасындағы текетіресіне негізделген. Лорд Волдеморттың көздегені − мәңгілік өмір сүру, сиқырлы әлемді қол астына алу, сиқыршы емес адамдарды (магл) жою және қарсы шыққандардың күлін көкке ұшыру.

Хәрри Поттер
Хәрри Поттер

Авторы Ж. К. Роулиң
Ел  Ұлыбритания
Жанры фэнтези
Түпнұсқасы
Тілі Ағылшын тілі
Атауы Harry Potter
Баспа Bloomsbury Publishing
Басылған орны Лондон
Басылған уақыты 19972007 (романдар)
2016 (қойылым)
Кітаптар қатары Романдар: 1. The Philosopher's Stone
2. The Chamber of Secrets
3. The Prisoner of Azkaban
4. The Goblet of Fire
5. The Order of the Phoenix
6. The Half-Blood Prince
7. The Deathly Hallows

Театр қойылымы:
8. The Cursed Child
Медия типі Bloomsbury Publishing
Мұқаба Жони Дадли
Қазақша басылым
Аудармашы Саят Мұхамадияр
Динара Мәзен
Нәркез Берікқызы
Бас редактор:
Назгүл Қожабекова
Баспасы Steppe & World Publishing
Басылған орны Алматы
Басылған уақыты 2020
Кітаптар қатары Série romanesque :
1. Хәрри Поттер мен пәлсапа тас
2. Жасырын бөме
3. Азкабан тұтқыны
4. От сауыт
5. Феникс алқасы
6. Шалақан ханзада
7. Ажал сыйлары

Театр қойылымы :
8. Қарғыс тиген бала
Мұқаба Жони Дадли
Жоан Кэтлин Роулиң

1997 жылдың 26 маусымы жарық көрген алғашқы "Хәрри Поттер мен пәлсапа тас" романынан бастап, кітаптар жинағы әлемге кеңінен танылып, сыншылардың оң пікірін алып, үлкен коммерциялық табысқа ие болды. 2018 жылдың ақпан айындағы мәліметтерге сәйкес кітаптардың 500 миллион көшірмесі сатылып, кітаптар қатары әдеби бестселлерлер тізіміне енген. Роман әлемнің 80 тіліне аударылған; қазақ тіліне алғашқы кітабы аударылып, жарияланды, қалған кітаптары аударылып жатыр[1]. Жазылған кітаптардың соңғы төртеуі әлемдегі ең тез сатылған кітап атағымен жаңа рекорд орнатқан.

Бұл шығармада, фэнтезиге қоса, жанрлардың көптеген түрлері кездеседі. Атап айтқанда: жасөспірім әдебиеті, құпиялық, триллер, оқиғалық, ғашықтық, т.с.с. Шығарма балаларға арналса да, Роулиң сөзінше, негізгі тақырып − өмір мен өлім. Ал бұдан басқа кемсітушілік пен жемқорлық тақырыптары да кездеседі.

Кітаптар алғаш Біріккен Патшалықта "Bloomsbury", ал Құрама Штаттарда "Scholastic Press" баспасында жарық көрген. Кейіннен орысша нұсқасы Ресей Федерациясындағы "Росмэн" баспаханасында басылып шықты. "Warner Bros." кинокомпаниясы кітап желісі бойынша түсірген сегіз фильм кинематограф тарихындағы ең табысты фильмдер қатарына енді. Фильмдер де кітаптар сияқты әлемдік әйгілікке иеленіп, әртүрлі тауарлардың шығарылуына желеу болды. Осылайша Harry Potter бренді 12.78 млрд АҚШ долларына бағаланып отыр.


Жинақтың жазылуыӨңдеу

Кітаптың идеясы жазушыға 1990 жылы келген. Роман жазу барысында ол анасынан айырылған (1990), Португалияға кетіп, сол жерде ағылшын тілінен сабақ беріп (1991), Джордж Арантешке күйеуге шыққаннан кейін (1992 жыл), қызды болған (1993 жылы).(1993 жылы) күйеуімен ажырасып Англияға қайтып келген. Оның қолжазбасын 1995 жылы "Блумсбёри" ("Bloomsbury") баспасы қабылдап басып шығарады. Осылайша 1997 жылы Гарри Поттер жайлы алғашқы жарық көрген кітап әлемге тарап, балалармен қоса ересектердің де сүйікті кітабы болып, жандарын жаулап алады. Роулинг бірден кітаптың жалғасын жаза бастайды. Ол кітаптар біріншісінен де кең танымалдыққа ие болады. Осыдан кейін Жоан Роулиң әлемдегі ең бай адамдардың қатарына қосылды.

ДереккөздерӨңдеу

  1. Раиса Сайранқызы: Қазақша кітап оқу сәнге айналуы керек