Гетерогаметгілік

Гетерогаметгілік (heterogametum, грек, heteros — басқа, gamos - неке, жыныс) — бір жынысты организм жыныс жасушалардың генетикалық жағынан біркелкі болмауы, яғни жыныс жасушалары жыныс хромосомаларының бірдей еместігі.

Бұндай жыныс жасушаларын гетерогаметті жыныс жасушалары деп атайды. Адам мен сүтқоректі жануарлардың еркек жынысты организдері - гетерогаметті ағзаларға жатады. Себебі, бұлардың аталық жыныс бездерінен бөлінетін шәуеттегі сперматозоидтардың жартысы Ү- жыныс хромосомалы, ал қалған жартысы Х- жыныс хромосомалы.

Құстарда, кейбір қосмекенділер мен бауырымен жорғалаушыларда гетерогаметті ағзаларға ұрғашы жынысты азғалар жатады. Мысалы, құстар жұмыртқа жасушаларының ядроларында не Z- жыныс хромосомалары, не W- жыныс хромосомалары болады.