Гүлжапырақтар тұқымдасы

Гүлжапырақтар тұқымдасы (Marsіleіdae) – көп жылдық су қырыққұлақтары. Тропиктік, субтропиктік және қоңыржай белдеулерде кездесетін 3 туысы, 80-нен астам түрі белгілі. Гүлжапырақтар тұқымдасын осыдан екі ғасыр бұрын атақты швед ғалымы К.Линней (1707 – 1778) сипаттап жазып, тұқымдастың атын – Marsіleaceae – италия ботаник|ботанигі Л.Марсильидің (1658 – 1730) құрметіне атаған. Себебі, Марсильи гүлжапырақты алғаш рет өсімдіктер тізіміне енгізген. Гүлжапырақтар тұқымдасына жататын қырыққұлақтар әр түрлі спораларымен, суда да, құрлықта да тіршілік етумен ерекшеленеді. Сондай-ақ бұларда тек соларға тән орган – споракарпийлері (қырыққұлақтардың спора түзетін шар тәрізді сыйымды орны) болады. Олар пісіп жетілгенде өте көп спорангийлері (өсімдік спорасы дамитын мүше) дамиды. Олардың біреуі макроспоралы, екіншілері – микроспоралы. Қазақстанда Гүлжапырақтар тұқымдасының 1 туысы, 3 түрі бар; қ. Гүлжапырақ.

Дереккөздер

Қазақ энциклопедиясы