Гүлмира Әлібекқызы Қаракөзова

Гүлмира Әлібекқызы Қаракөзова (24.12.1971 жыл, РКФСР, Қорған қаласы) - журналист. Қазақ.

Әкесі - Қаракөзов Әлібек Нұрғазыұлы, зейнеткер. Анасы - Қаракөзова Маржан Хәкімжанқызы, «Қазтелерадио» АҚ «Астана» РТД кадрлар жөніндегі инспекторы.

Әл-Фараби атындағы Қазақ мемлекеттік ұлттық университетінің журналистика факультетін бітірген (1993), ТВ және РХ журналисі.

«Возвращенные имена» арнайы репортаждар топтамасының (1997); «Қазақстан» ҰТА-дағы «Паритет» тікелей эфир телевизиялық жобасының (2002-2004); «Астана» радиосындағы «Жұлдызды Астана» жобасының (2005 жылдан); Астана қаласының 10-жылдығына арналған «Главные города» тележобасының (2008) авторы.

«Нұр Отан» ХДП мүшесі (2002 жылдан).

1993 жылдан - Торғай облыстық ТВ-дағы жастар бағдарламалары редакциясының редакторы. 1997 жылдан -«Қазақстан» ҰТА ақпараттық-талдау бағдарламалары дирекциясының тілшісі, 1999 жылдан - редакторы, 2001 жылдан - бас редакторы. 2004 жылдан бері - «Астана» радиосының директоры.

ҚР Журналистер одағының (1997 жылдан), Бас редакторлар клубының (2007 жылдан) мүшесі.

«Астана» медалімен (2008), «Мәдениет қайраткері» құрмет белгісімен (2006) марапатталған. ҚР Президентінің Алғысымен ескерілген (2005). «Іскер» республикалық сайысының «Масс-медиа саласындағы іскер адам» номинациясындағы лауреаты (2005).

Тұрмыс құрған. Жұбайы - Баянов Фанзил Фанавиұлы. «Алма-ТВ» АҚ техникалық маманы. Ұлдары - Әлімжан (1996 жылы туған), Әмірлан (2010 жылы туған).[1]

Дереккөздер өңдеу

  1. Қазақстан Республикасында кімнің кім екені - 2011 жыл. Екі томдық анықтамалық. Алматы, 2011 ІSВN 978-601-278-473-2