Гәкку (телеарна)

Gakku TV
	Gakku TV
Ел	Қазақстан
Хабар тарату тілдері	қазақша, орысша
Басқару орталығы	Алматы, Гагарин көшесі, 79
Арнаның тақырыптамалары	музыкалық
Хабар таратуын бастады	2014 жыл
Иесі	«Musan Group» ЖШС
Туыстас арналар	Той Думан
Сайт	gakku.kz

«Gakku TV» (қаз. «Гәкку ТВ») — Қазақстандағы тек отандық контент таратушы тұңғыш музыкалық телеарна^[1].

Арна еліміздің барлық қалаларының кабельді және спутниктік желілерінде таратылады.

Телеарна қысқа форматты «жедел» ақпарат шығарады. Эфир қазақ және орыс тілдеріндегі музыкалық, жаңалық және ойын-сауық бағдарламаларынан құрылған.

Күн сайын отандық әртістердің соңғы 30 жылдағы ең үздік еңбектерінің 400-ге жуығы эфирдегі көрсетілімге шығарылады ^[2]. Музыкалық контент арнада ақысыз түрде таратылады^[3].

Деректер

2013 жылғы 1 қараша — «Gakku TV» телеарнасының құрылған күні.
Телеарнаның негізін салушы — Санжар Мұстафин^[4], қазақстандық продюсер, «Musan Group» компаниясының басшысы.
2014 жылдың 8 қыркүйегінде жаңалықтар бөлімінің алғашқы саны «Gakku TV» арнасынан шықты.
«Gakku TV» арнасында ең алғаш шыққан бейнебаян — Батырхан Шүкеновтің «Отан-ана» атты туындысы.
2014 жылғы 13 қыркүйекте Алматы қаласында «Gakku TV» заманауи музыкалық арнасының ашылуына байланысты «Gakku Дауысы» атты бірінші, жыл сайынғы музыкалық фестиваль өтті^[5]. Фестивальға 200 орындаушы, 57 ұжым, 75 концерттік нөмір қатысты^[6]. Фестивальдің арнайы қонағы ретінде Батырхан Шүкенов шақырылды^[7]. Музыкалық іс-шара 7 сағатқа созылды.
2015 жылғы 12 қыркүйекте Алматы қаласының «Астана» алаңында екінші «Gakku Дауысы» фестивалі өткізілді^[8]. 6 сағыттық концертке Қазақстанның елу бестен астам әртісі үлес қосты^[9]. Көрермендер саны 40 мыңнан асты.
2016 жылғы 17 қыркүйекте Алматы қаласының 1000 жылдық мерейтойына арналған үшінші жыл сайынғы «Gakku Дауысы» атты қазақстандық танымал музыкалық фестивалі өтті^[10]^[11]^[12]. 90 мың көрермен жинаған концерт фестиваль тарихындағы ең ауқымды шара болып танылды^[13].
2016 жылғы 18 мамырда Астана қаласының «Қазақстан» орталық концерт залында тұңғыш «Gakku Әуендері» атты марапаттау салтанаты өтті^[14]. Қазақстанның ең үздік хиттері бойынша есеп беру түрінде өткен іс-шара екі сағаттай жүргізілді. Оның телевизиялық нұсқасы YouTube желісіне жүктелді. 2017 жылдың басында оны тамашалағандар саны миллионға жетті^[15].
2017 жылғы 23 маусымда Астанадағы EXPO-2017 «Амфитеатр» концерт алаңыда «Sound of Gakku» концерті өтті. Шара 2 сағат 40 минут жалғасты.
2017 жылғы 9 қыркүйекте Өскемен қаласында төртінші жыл сайынғы «Gakku Дауысы» фестивалі өтті.
2017 жылғы 16 қыркүйекте фестиваль Алматыда өтті. Бас хедлайнер ретінде Димаш Құдайберген шақырылды. Фестиваль тікелей эфирде жүргізілді. Жалпы уақыты 6 сағатқа созылды. Концертке 150 мың адам жиналды^[16].
2017 жылғы 22 қыркүйекте фестиваль Ақтау қаласында өтіп, Қала күніне түсті.
2018 жылғы 15 қыркүйекте Алматыда бесінші мерейтойлық Gakku Дауысы фестивалі рекордтық 200 мың адам жинады ^[17]. Концерттің жүргізушілері Алуа Қонарова, Баян Алагузова, сондай-ақ, Gakku арнасының өкілдері Нұржан Еркінұлы мен Тимур Балымбетов болды.

Бағдарламалар мен айдарлар

«Gakku NEWS» — әр сағаттың басында «Gakku TV» арнасында шығатын шоу-бизнес, спорт, сән әлемі салаларындағы ең шулы және таңғаларлық жағалықтар.
«Ән-Gimme» — атақты адамдармен тікелей эфирде бейнечат арқылы тілдесу.
«Derec» — бейнеклиптерді түсіру барысы жайлы экранда баяндайтын титрлар топтамасы.
«Backstage» — бейнеклип түсіру барысындағы қызықты сәттерді көрсетеді.
«Gakku Top 10» — отандық телеарнадағы жаңадан шыққан әртістер мен шоу-бизнес саласының озықтары көрермендердің дауыс беруі арқылы бақ сынасатын халықтық чарт.
«Zhauap Ber» — еліміздің жұлдыздарының қатысуымен өтетін «сұрақ-жауап» түріндегі арнаулы айдар.
«Сool Тізбе» — мемлекетіміздің шоу-бизнес жұлдыздарының сауықтық рейтингі.
«Love story» — Қазақстан әртістерінің махаббат хикаялары.
«Follow Wars» — жұлдыздардың әлеуметтік желілердегі пікірлерге жауап беруі.
«InstaNews» – жұлдыздардың Instagram әлеуметтік желісіндегі посттарын сөз ету.
«Tyńda» — екі шоу-бизнес өкілі тез уақыт аралығында орындаушыларды шешіп табады.
«КиноКөрме» — қазақстандық кино әлемінің репортаждары.
«Follow Wars 2.0» — жобаның жаңа нұсқасы. Бағдарлама кейіпкері әлеуметтік желілердегі пікірлерге жауап береді, ал студиядағы адамдар оның міндетті түрде жауап беруін қадағалайды.
«Ұят-Parade S» — бейнеклиптерді қызықты форматта шолу.
«Newton Tour 2018» — Newton тобының Қазақстан бойынша бірінші гастрольдерінің күнделігі. Жоба YouTube-арнаға шығады.

Музыкалық блоктар

#Jap-jana — ұлттық эстраданың ең өзекті хиттері. Қазақстандық бейнеклиптердің алғашқы көрсетілімдері осы блокта #tusaukeser хэштегімен шығады.
#Solo — бұл блокта белгілі бір әншінің немесе топтың үш бірдей бейнебаяны қатарынан көрсетіледі.
#Ozgeler — альтернативтік музыка топтамасы (рок, фолк, инди, синти, т.б.).
#Yep-yeski — қазақстан эстрадасының алтын қоры, уақыт сынынан өткен музыкалық хиттер топтамасы.
#Chak-chak — ең үздік заманауи бейнеклиптер топтамасы.
#Altynym-altynym — соңғы 10 жыл ішінде шыққан бейнеклиптер топтамасы.
#Hip-hop — Қазақстанның үздік рэп орындаушыларының бейнеклиптері топтамасы.

«Gakku FM» радиосы

«Gakku FM» — «Gakku TV» негізін салушылары тудырған қазақстандық музыкалық радиостанция. Трансляциялау 2016 жылы 1 желтоқсанда басталды^[18] .

«Gakku FM» эфирінде тек қана қазақстандық контент: сапалы заманауи музыка топтамалары мен шоу-бизнес, мәдениет және сауық салаларындағы жаңалықтар таратылады.

2020 жылы радио атауы Той думан радиосы деп өзгертілді.

Аймақтық жиілік

Аймақ		Жиілік
Ақтау		105
Алматы		101,8
Өскемен		106
Шымкент		89.6
Астана		91.5

Дереккөздер

Сілтемелер

[Санжар_Мустафин:_Мы_запустили_канал_по_всем_законам_стартапа_//_kapital.kz-1] Санжар Мустафин: Мы запустили канал по всем законам стартапа // kapital.kz

[В_Казахстане_запустили_музыкальный_телеканал_с_клипами_отечественных_звезд_//_nur.kz-2] В Казахстане запустили музыкальный телеканал с клипами отечественных звезд // nur.kz

[«Gakku_TV»_арнасы_туралы_//_gakku.kz-3] «Gakku TV» арнасы туралы // gakku.kz Мұрағатталған 2 сәуірдің 2017 жылы.

[Санжар_Мустафин_//_kapital.kz-4] Санжар Мустафин // kapital.kz Мұрағатталған 2 сәуірдің 2017 жылы.

[GAKKU_ДАУЫСЫ_в_Алматы_//_kapital.kz-5] GAKKU ДАУЫСЫ в Алматы // kapital.kz Мұрағатталған 3 сәуірдің 2015 жылы.

[В_фестивале_GAKKU_ДАУЫСЫ_приняли_участие_200_исполнителей_//_kapital.kz-6] В фестивале GAKKU ДАУЫСЫ приняли участие 200 исполнителей // kapital.kz

[Топ-10_лучших_видео_Gakku_Дауысы/14_//_gakku.kz-7] Топ-10 лучших видео Gakku Дауысы/14 // gakku.kz Мұрағатталған 15 қарашаның 2018 жылы.

[Gakku_Дауысы_фестиваль_казахстанской_музыки_//_gakku.kz-8] Gakku Дауысы фестиваль казахстанской музыки // gakku.kz Мұрағатталған 5 қарашаның 2018 жылы.

[GAKKU_ДАУЫСЫ:_Шесть_часов_только_казахстанской_музыки_//_kapital.kz-9] GAKKU ДАУЫСЫ: Шесть часов только казахстанской музыки // kapital.kz

[Фестиваль_Gakku_Дауысы-2016_собрал_рекордное_количество_зрителей_//_tengrinews.kz-10] Фестиваль Gakku Дауысы-2016 собрал рекордное количество зрителей // tengrinews.kz

[В_Алматы_празднуют_1_000-летие_города_//_tengrinews.kz-11] В Алматы празднуют 1 000-летие города // tengrinews.kz

[Почему_Алматы_отмечает_1000-летие_//_КАЗИНФОРМ-12] Почему Алматы отмечает 1000-летие // КАЗИНФОРМ

[Фестиваль_Gakku_Дауысы_собрал_около_90_тысяч_зрителей_//_kapital.kz-13] Фестиваль Gakku Дауысы собрал около 90 тысяч зрителей // kapital.kz(қолжетпейтін сілтеме)

[Самое_звездное_шоу_-_«Gakku_әуендері»_//_gakku.kz-14] Самое звездное шоу - «Gakku әуендері» // gakku.kz Мұрағатталған 16 қарашаның 2016 жылы.

[Казахстанских_артистов_наградят_за_лучшие_песни_//_tengrinews.kz-15] Казахстанских артистов наградят за лучшие песни // tengrinews.kz

[Gаkku_Дауысы_фестивалі_кезекті_рекордқа_жетті-16] Gаkku Дауысы фестивалі кезекті рекордқа жетті // kapital.kz

[Gakku_Дауысы_фестивалі_Алматыда_рекордтық_көрермендер_санын_жинады-17] Gakku Дауысы фестивалі Алматыда рекордтық көрермендер санын жинады // Tengrinews.kz

[Вконтакте_әлеуметтік_желісіндегі_ресми_парақша-18] Вконтакте әлеуметтік желісіндегі ресми парақша

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

[14]

[15]

[16]

[17]

[18]