Дамир Бұлтбайұлы Буданбеков

Дамир Бұлтбайұлы Буданбеков (17.02.1955 жыл, Жамбыл облысы, Шу қаласы) - боксшы, аға жаттықтырушы. Қазақ.

Әкесі - Сағындықов Бұлтбай. Анасы - Сағындықова Назымкүл, жаттықтырушы-кеңес беруші.

Октябрьдің 50-жылдығы атындағы Жамбыл педагогикалық институтының филология факультетін бітірген (1985), орыс тілі мен әдебиетінің мұғалімі.

«Нұр Отан» ХДП мүшесі (2008 жылдан).

• 1979 жылдың қыркүйек айынан - Жамбыл облыстық БЖСМ бокстан жаттықтырушы-оқытушысы.
• 1993-1996жылдары - ҚР бокстан аға жаттықтырушысы.
• 1999-2000 жылдары - Үрімші қаласындағы ҚХР Шыңжаң-Ұйғыр автономиялық республикасының бокс бойынша жаттықтырушы-оқытушысы.
• 2002 жылдың наурыз айынан - ҚР жастар құрама командасының бокс бойынша аға жаттықтырушысы.
• 2004 жылдың сәуір айынан - ҚР ұлттық құрама командасының бокс бойынша аға жаттықтырушысы, 2004 жылдың қараша айынан - бас жаттықтырушысы.
• 2010 жылдың наурыз айынан бері - Қызылорда облысының бокс бойынша жаттықтырушы-кеңес беруші.

Бокстан жасөспірімдер арасындағы (1971, 1972), жастар арасындағы (1974) Қазақстан біріншіліктерінің жеңімпазы; ҚазКСР чемпионы (1974); Жастар ойындарының (Горький, 1974), КСРО Кубогының қола жүлдегері (Запорожье, 1975). КСРО спорт шебері (1974). Бокстан ҚазКСР (1991), ҚР Еңбек сіңірген жаттықтырушысы (1991). «Ерен еңбегі үшін» медалімен марапатталған (1996). Қазақстанның Еңбек сіңірген қайраткөрі (1996).

Азияның 2 мәрте чемпионы, XXVI Олимпиадалық ойындардың қола жүлдегері Б. Ниязымбетовты; ҚХР чемпиондары және жүлдегерлері А. Әбдірахманов пен 3. Нұрайды тәрбиелеген.

• Үйленген. Жұбайы - Буданбекова Раиса Тоғайқызы.
• Ұлы - Буданбеков Ғабит Дамирұлы; қызы - Буданбекова Бәтес Дамирқызы.