Дарвиндық құнақтар

Дарвиндық құнақтар - галапоагостық құнақтар, нақтәрізділер тұқымдасы. Кейде бұларды жеке тұқымдасқа бөледі. Дене ұзындығы 10-15 см. Дарвиндық құнақтар, радиациялық бейімдеушіліктің классикалық мысалы, яғни қоректік мамандандырылуы жолына сәйкес тұмсығының өзгеруі. Тұмсығы конус тәрізді көлемдіден, (қатты дәнді дақылдармен қоректенуге бейімделген) нәзік жіңішкеге дейін, (жәндіктермен қоректенуге) өзгерген. Көптеген түрлерінің түсі қара, ал аналықтарының бұрыл, дақты. 4 туыс, 14 түрі; Галапагос және Кокос аралында кездеседі. Құрлық түрлері дымқыл манго немесе опуниций бұталарының арасында кең таралған; таза орман түрлеріде бар. Аталықтары шағылысар алдында үлкен шатырымен қабырғалары енетін қуысы бар ұя салады, 4 жұмыртқа салады. Тоқылдақты құнақтар, (Camarhynchus pallidus) тоқылдақтар тәрізді ағаш діңгектерінде жорғалап жүгіріп жәндіктер мен олардың дернәсілдерін іздеп ағаш қабықтарын теседі; оларды тұмсығында ұстаған кактус тікенектерімен суырып алады.