Дариға Тілендиева

Тілендиева Дариға (1946 жылы туған, Алматы облысы, Көксу ауданы, бұрынғы Ақтекше ауданы) - актер, Қазақстанның еңбек сіңірген артісі (1998). "Қазақфильм" киностудиясының 2 жылдық курсын, Абай атындағы ҚазПИ-ді бітірген (1980 ж.). Алғаш рет "Қазақфильм" киностудиясында түсірілген "Құлагер", содан кейін "Ақ машина", "Алтыжасар Алпамыс", "Қоштасқым келмейді", "Жамбылдың жастық шағы", тағы басқа көркем фильмдерінде әр түрлі рөлдерді орындады. 1993 жылдан "Отырар сазы" оркестрінде қызмет істейді.[1]

Қазақ және орыс тілдерін біледі.

1967 жылдан бері - «Қазақфильм» киностудиясының актрисасы (қазіргі - Ш. Айманов атындағы «Қазақфильм» АҚ). «Тризна» (1974), «Алпамыс мектепке барады» (1977), «Жау, тоғызыншы ұлдан қорық» (1984), «Қоштасқым келмейді» (1992), «Жамбыл» (1993) және тағы басқа фильмдерге түскен.

Н. Тілендиев атындағы Халықаралық қоғамдық қордың президенті.

ҚР Еңбек сіңірген әртісі (1998).

Хоббиі - музыка шығару.

Жұбайы - Тілендиев Нұрғиса, Халық қаһарманы. Қызы - Тілендиева Динара (1985 жылы туған). [2]

ДереккөздерӨңдеу

  1. Қазақ мәдениеті. Энциклопедиялық анықтамалық. Алматы: “Аруна Ltd.” ЖШС, 2005 ISBN 9965-26-095-8
  2. Жетісу энциклопедия. - Алматы: «Арыс» баспасы, 2004 жыл. — 712 бет + 48 бет түрлі түсті суретті жапсырма. ISBN 9965-17-134-3