Деннис Бергкамп

Деннис Николас Мария Бергкамп (нидер. -{Dennis Nicolaas Maria Bergkamp}- [ˈdɛnɪs ˈbɛrχkɑmp]; 10 мамыр 1969, Амстердам) — нидерланд футболшысы, шаубыл шебінде ойнаған, қазіргі күнде бапкер.

Деннис Бергкамп Футбол
сурет
Жалпы мағлұмат
Толық аты

Деннис Николас Мария Бергкамп

Лақап аттары

Берги, Ұшқыш голланд, Iceman

Туған күні

10. 05. 1969

Туған жері

Амстердам, Нидерланд

Азаматтығы

 Нидерланд

Бойы

183

Позиция

шабуылшы

Клуб жайлы ақпарат
Клуб

клубсыз

Қызметі

бапкер-ассистент

Жастар клубы
Нидерланд Вилскрахт/СНЛ
1981—1988 Нидерланд Аякс
Клуб карьерасы[* 1]
1986—1993 Нидерланд Аякс 185 (103)
1993—1995 Италия Интернационале 52 (11)
1995—2006 Англия Арсенал 312 (87)
1986—2006 Бүкіл карьерасында 549 (201)
Ұлттық құрамы[* 2]
1989 Нидерланд Нидерланд-21] 2 (0)
1990—2000  Нидерланд 79 (37)
Бапкерлік карьерасы
2011—2017 Нидерланд Аякс көмекші
  1. Кәсіби клубтарда соққан голдары мен ойындары тек әртүрлі ұлттық лига чемпионаттарында ғана саналады.
  2. Ресми матчтарда ұлттық құрамда болған ойындары мен голдар саны.

Карьерасы өңдеу

Клубтық карьерасы өңдеу

Ә дегенде жартылай қорғаныста ойнаған, кейін шабуылдаушы жартылай қорғаушы амплуасына көшті, сосын нағыз шабуылшының өзі болды. Кей мамандардың пікірінше, Бергкам тарихтағы ең техникасы мықты футболшы. 1986 жылы кәсіпқой карьерасын өз туған клубы "Аяксте" бастады. 1986 жылы 14 желтоқсанда "Родамен" ойында тұңғыш рет алаңға шықты. Тұңғыш голын 1987 жылы 22 ақпанда "Харлем" клубының қақпасына енгізді. Секенінші жылдардың соңында-ақ негізгі құрамға толық орнығып алды.

Тоқсаныншы жылдардың басында Бергкамты сатып алғысы келетін клубтар көбейіп кетті. Ұстазы Йохан Кройф оған "Реал Мадридте" ойнамауға кеңес берді де, мадридтік клубтың ұсынысын қабылдамады. Ақыры 1993 жылы жазда Италияның "Интер" клубын таңдады. Жаңа клубында Бергкамп екі маусымдай ойнады. Тұңғыш голын қыркүйек айында "Кремонезенің" қақпасына енгізді. 1994 жылы "Интер" УЕФА кубогын ұтып алды. Бергкамп осы турнирдің үздік мергені атанды.

1994-95 жылғы маусымда Бергкамптың клубтағы көрсеткіші төмендеп кетті де, негізгі құрамнан ақырындап шеттетіле бастады. Маусым соңында клубтан кететінін мәлімдеп, 1995 жылы маусым айында Лондонның "Арсеналымен" келісім шартқа отырды.

"Арсенал" клубына сіңіп кету үшін көп уақыт керек болды. 1996 жылы клубқа Арсен Венгер келді де, Бергкамп енді оның тұсында жаңа шабытпен ойнай бастады. Клубтың негізгі ойыншысына айналып, жаңа ғасырға дейін сол деңгейінен түскен жоқ. Кейін командаға Тьерри Анри мен Сильвен Вильтор келген соң ғана жасы отыздан асқан Бергкамп негізгі құрамдағы орнын жоғалта бастады.

2003 жылы 4 қаңтарда "Арсенал" сапындағы 100-ші голын енгізді.

2005/06 жыл Бергкамптың соңғы маусымы болды. 2006 жылы 22 шілдеде қоштасу ойынын өткізді. Онда "Арсенал" мен "Аякстың" жұлдыздары бір-біріне қарсы ойнады.

Ұлттық құрамада өңдеу

1989 жылы 21 жасқа дейінгі жастар құрамасында ойнады. Ал негізгі құрамада тұңғыш рет 1990 жылы 26 қыркүйекте Италиямен ойында алаңға шықты. Тұңғыш голын сол жылы қарашада Грекияның қақпасына соқты.

Бергкамп ЕУРО-1992, ӘЧ-1994, ЕУРО-1996, ӘЧ-1998, ЕУРО-2000 турнирлеріне қатысты. 1992, 2000 жылдары Еуропаның қола жүлдегері атанды. Құрама сапында жалпы 79 ойын өткізді. ЕУРО-2000 турнирінде Нидерланд құрамасы жартылай финалда Италиядан ұтылып қалды да, осы кездесуден соң Бергкамп ұлттық құрамадағы карьерасын аяқтады.

Әуефобия өңдеу

1989 жылы Бергкамптың жақын досы Вирджелл Юманкхан әуе апатынан қайтыс болады. Осы рейске Бергкамп соңғы сәтте ғана ұшудан бас тартқан екен. Содан бері ұшаққа мүлде мінбей кетіпті. Бірақ 1994 жылы әлем біріншілігіне қатысу үшін амалсыз АҚШ-қа ұшақпен баруға мәжбүр болады.

Осы фобиясына орай Нидерланд құрамасы мен "Арсенал" клубы сырт алаңдағы көптеген ойындарына Бергкампсыз барыпты. Кей ойындарға Бергкамптың өзі жеңіл көлігімен де барған кездері де болған.

Жетістіктері өңдеу

Командалық өңдеу

«Аякс»

  • Кубок иелері кубогы: 1987
  • Нидерланд кубогы: 1987, 1993
  • Нидерланд чемпионы: 1990
  • УЕФА кубогы: 1992

«Интернационале»

  • УЕФА кубогы: 1994

«Арсенал»

  • Англия чемпионы: 1998, 2002, 2004
  • Англия кубогы: 1998, 2002, 2003, 2005
  • Англия суперкубогы: 1998, 1999, 2002, 2004

Жеке өңдеу

  • Нидерландтағы жылдың талантты футболшысы (1): 1990
  • Нидерланд жыл футболшысы (2): 1991, 1992
  • Нидерланд чемпионатының үздік футболшысы (3): 1990/91, 1991/93, 1992/93
  • Еупопа чемпионатының үздік мергені (1): 1992
  • УЕФА кубогының үздік мергені (1): 1993/94
  • Премьер-Лигадағы ай футболшысы (4): тамыз 1997, қыркүйек 1997, наурыз 2002, ақпан 2004
  • ФИФА 100

Сілтемелер өңдеу