Диего ФорланФутбол
U10 Diego Forlán 7524.jpg
Жалпы мағлұмат
Лақап аты Cachavacha
Туған күні 19 мамыр 1979 (1979-05-19) (41 жас)
Азаматтығы  Уругвай
Бойы 180
Позиция шабуылшы
Клуб жайлы ақпарат
Клуб карьерасын аяқтады
Карьера
Клуб карьерасы*
1997—2002 Аргентина Индепендьенте 80 (37)
2002—2004 Англия Манчестер Юнайтед 63 (10)
2004—2007 Испания Вильярреал 106 (54)
2007—2011 Испания Атлетико Мадрид 134 (74)
2011—2012 Италия Интернационале 18 (2)
2012—2014 Бразилия Интернасьонал 47 (19)
2014—2015 Жапония Сересо Осака 42 (17)
2015—2016 Уругвай Пеньяроль 31 (8)
2016 Үндістан Мумбаи Сити 12 (5)
2018 Гонконг Китчи 7 (5)
Ұлттық құрамы**
1999 Уругвай Уругвай-21 4 (1)
2002—2014  Уругвай 112 (36)

* Кәсіби клубтарда соққан голдары мен ойындары тек әртүрлі ұлттық лига чемпионаттарында ғана саналады.

** Ресми матчтарда ұлттық құрамда болған ойындары мен голдар саны.

Диего Мартин Форлан Корасо (ис. Diego Martín Forlán Corazo; 19 мамыр 1979[1], Монтевидео) — уругвайлық футболшы, жартылай қорғаушы. Уругвай Ұлттық футбол құрамасында бірнеше әлем чемпионаты мен Америка кубогына қатысқан. 2010 жылғы әлем чемпионатында бес гол соқты, бес төртеуі чемпионаттың әдемі 20 голының тізіміне енді, Форланның өзі турнирдің үздік футболшысы атанды. 2011 жылғы Америка кубогының жеңімпазы.

Уругвай құрамасы сапында 100-ден аса ойын өткізген бірінші футболшы.

ОтбасыӨңдеу

Диегоның әкесі Пабло Форлан, Уругвай құрама командасының ойыншысы, 1966 жылғы Англияда өткен және 1974 жылы Германияда өткен әлем чемпионаттарында ойнаған. Оның нағашы атасы Хуан Карлос Корасо "Индепендьенте" футбол клубының әйгілі ойыншысы, одан кейін Уругвай құрама командасының бас бапкері болды.

КарьерасыӨңдеу

Карьерасын 1997 жылы "Индепендьенте" сапында бастады. 2002 жылы қаңтарда "Манчестер Юнайтедке" ауысқанымен, Дуайт Йорк, Руд Ван Нистелрой секілді футболшылармен негізгі құрам үшін күресуге тура келді. Екі жарым маусымда бар-жоға 10 рет қана гол соқты.

2004 жылы клубқа Уэйн Руни келген соң командадан өз еркімен кетіп, "Вильярреалға" қосылды.

Форлан өзінің талантын "Атлетико Мадрид" командасының құрамында ойнаған кезде толық көрсетті. 2007 жылдың жазында Диего "Атлетико Мадридтің" командасына 21 млн. еуро ақысымен клубқа қосылды.

2008/09 маусымының қорытындысы бойынша Форлан Пичичи жүлдесінің иегері атанды. Ол Испания лигасында 33 ойында 32 гол соқты. Бұл жетістіктен басқа, "Алтын бутсы" сыйлығын иеленді. 2009-10 маусымның басында "Атлетико Мадрид" клубымен келісім шартты тағы 2 жылға ұзартты.

2011 жылы "Интернационалеге" ауысты. Бірақ 2011/12 жылғы маусымның басым бөлігін жарақатпен өткізді де, ешқандай турнирде жарқырай алмады. Бұл маусым клуб үшін де ауыр соқты, маусым барысында үш рет бапкер ауыстырды да, қорытындыда ешқандай жүлдеге ілікпеді.

2012 жылы жазда "Интернасьонал" клубымен келісім шарт жасасты. 2013 жылы клубтастарымен бірге Риу-Гранди-ду-Сул штатының чемпионы атанды. Бұл турнирде Форлан 9 гол соғып, үздік мерген атанды.

2014 жылы "Серезо Осакаға" ауысты.

2015 жылы мамыр айында отанына оралып, "Пеньяроль" клубына ауысты.

ЖетістіктеріӨңдеу

КомандалықӨңдеу

Манчестер Юнайтед:

  • Англия чемпионы: 2002/03
  • Англия кубогы: 2003/04
  • Англия суперкубогы: 2003

Вильярреал:

  • Интертото кубогы: 2003/04

Атлетико Мадрид:

  • УЕФА Еуропа Лигасы: 2009/10
  • УЕФА суперкубогы: 2010

Интернасьонал:

  • Гаушу лигасы: 2013

Пеньяроль:

  • Уругвай чемпионы: 2015/16

Уругвай құрамасы:

  • Америка кубогының жеңімпазы: 2011
  • Америка кубогының қола жүлдегері: 2004
  • Әлем чемпионатының жартылай финалисі: 2010

ЖекеӨңдеу

  • Әлем чемпионатының үздік футболшысы: 2010
  • Әлем чемпионатының үздік мергені: 2010
  • «Алтын бутсы» иегері (2): 2005, 2009
  • Испания чемпионатының үздік мергені (2): 2005, 2009
  • Гаушу лигасының үздік мергені: 2013
  • Уругвайдағы жыл футболшысы (7): 2002, 2003, 2005, 2007, 2008, 2009, 2010
  • Уругвайдағы жыл футболшысы: 2009, 2010

ДереккөздерӨңдеу

СілтемелерӨңдеу