Дмитрий Андреевич Венков
Дмитрий Андреевич Венков (1926 жылы, Ресей, Иваново облысы, Кинешма қаласында туған – 2000 жылы қайтыс болған) – инженер-геолог, геология-минералогия ғылымдарының кандидаты (1974 жылы).
Ленинград (қазіргі Санкт-Петербург) қаласындағы тау-кен институтын бітірген (1950 жылы). Қазақстандағы Обаған геология партиясының бастығы, аға геолог (1950–54 жылдары), Соколов–Сарыбай кен барлау орындарында бас инженер, экспедиция бастығы (1954–58 жылдары), Далалық экспедицияда бас инженер әрі бас геолог (1958–63 жылдары), Солтүстік Қазақстан мемлекеттік университетінде геология бөлімінің бастығы (1963–71 жылдары), бас директоры (1971–82 жылдары), Қазақ КСР-і Геология министрінің орынбасары (1982–87 жылдары) қызметтерін атқарған.
1974 жылы «Разработка эффективной методики поисков и разведки погребенных месторождений бокситов карставого типа (на примере Тургайского прогиба)» деген тақырыпта кандидат диссертация қорғады. Венков 30-дан астам ғылыми жарияланымның авторы. КСРО Мемлекеттік сыйлығы лауреаты (1984 жылы). 2 рет Еңбек Қызыл Ту орденімен және медальдармен марапатталған.[1]
Сілтемелер
өңдеу- «Дмитрий Андреевич Венков» Мұрағатталған 3 желтоқсанның 2016 жылы.
Дереккөздер
өңдеу- ↑ “Қазақ Энциклопедиясы”, 2 том
| Бұл мақаланы Уикипедия сапа талаптарына лайықты болуы үшін уикилендіру қажет. |
| Бұл мақалада еш сурет жоқ.
Мақаланы жетілдіру үшін қажетті суретті енгізіп көмек беріңіз. Суретті қосқаннан кейін бұл үлгіні мақаладан аластаңыз.
|
|
Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |