Дравидтер

Дравидтер - Үндістанның оңтүстігін мекендейтін халықтар тобы. Олардың ішіндегі ең көп сандылары: андхралар немесе телугулер (51 млн.), тамилдер (46 млн.), каннаралар (24 млн.), малаялилар (22 млн.), гондтар мен кандхилар (24 млн.), ораондар (1,7 млн.), тулулар (1,2 млн.). Ал тода, кота, курумба, бадага, т.б. аз санды Дравидтер таулы және орманды аймақта қоныстанған. Жалпы саны — 220 млн. (1995). Антропология жағынан Дравидтер зәңгі нәсілі мен еуроп нәсілдің араласуынан қалыптасқан оңтүстік үнділік өтпелі нәсілге жатады. Дравидтер дравид тілдері тобындағы әр алуан тілдерде сөйлейді. Дравидтердің басым көпшілігі будда дінін ұстанады. Аздаған бөлігі христиандар мен мұсылмандар. Зерттеушілердің пікірінше, Дравидтер — Үндістанның арийлік дәуіріне дейінгі ең ежелгі тұрғындары. Б.з.б. 1-мыңжылдықта Дравидтер көне харапп өркениетін құрып, жоғары мәдениетке жеткен. 17 — 18 ғасырларда ағылшын отаршылары Дравидтер қоныстанған аймақты басып алып, олардың территориясын бөлшектеп, жеке халықтардың этно бірлігіне нұқсан келтірді. Дравидтер өздерінің ұлт азаттық күресінде халықтардың этн. территориясын жеке штаттарға біріктіруді талап етті. Дравидтердің бұл талабы тек 1956 жылы ғана орындалды. Сөйтіп, тамилдер мекендейтін аймақта — Тамилиад штаты, телугулардың—Андхра-Прадеш штаты, каннаралардың — Карнатака штаты, малаялилердің — Керала штаты құрылды.

Дереккөздер

Қазақ энцклопедиясы