Еврей мәдени-ағарту қоғамы

Еврей мәдени-ағарту қоғамы — облыстағы еврей диаспорасының ұйымы. Ол Орал қаласында 1989 ж. құрылды. Қоғам балалар мен ересектерге иврит тілін үйрететін жексенбілік мектеп (директоры — М.Н.Панкина) ұйымдастырып, еврей және қазақ халқының мәдениеті мен тарихын оқыту ісін қолға алды. Жыл сайын «Пасех», «Ханука», «Пурим» атты ұлттық мейрамдар өткізіледі. Қоғам мүшелері облыс көлеміндегі, Орал қаласындағы мәдени-әлеуметтік шараларға белсене қатысады. Қазір облыста 140 еврей ұлтының өкілі (1999) тұрады.