Екінші кәсіптік-техникалық лицей

Екінші кәсіптік-техникалық лицей - Орал қаласындағы бастауыш кәсіптік білім беретін оқу орны. 1960 ж. тұрмыстық қызмет көрсету саласының мамандарын даярлайтын 12-қолөнер уч-щесі ретінде ашылған. Кейінгі жылдары оның атауы бірнеше рет өзгерді. 1998 ж. 31 желтоқсаннан «кәсіптік-тех. лицей» деп аталады. Құрылғаннан бергі 40 жыл ішінде мұнда 14 мың тұрмыстық қызмет көрсету саласының мамандары, атап айтқанда, тігінші, пішуші-модельер, шаштараз, радио-телеаппаратура жөндейтін механик, еңбек сабағының мүғалімдері, кондитер-аспаз даярланды. 1985 ж. үлгі жоба бойынша оқу-өндіріс кешені (480 орыңдық) пайдалауға берілді. Қазіргі кезде лицейдің оқушыларды кәсіби шеберлікке баулитын 15 тігін шеберханасы, ательесі, шаштаразы, радиотех. шеберханасы, теориялық оқыту кабинеттері, сондай-ақ кітапханасы, асханасы, спортзалы, акт залы, компьютерлік кластары, мед. қыз- мет көрсету кешені бар. «Жас дәурен» балалар кешенінің базасында Екінші кәсіптік-техникалық лицейдің филиалы құрылған, онда жетім балалар тігінші мамандығын игереді. Сонымен қатар оқу орнының жанынан оқушылардың шығарм. қабілетін дамыту мақсатында «Мода театры», тех. шеберлік үйірмесі, спорт секциялары ашылған. Лицей ұжымы «Таңдаулы кәсіптік мектеп» атты облысы және респ. конкурстарда 1, 3-орындарды иеленді.