Елена Ивановна Тарасенко

Елена Ивановна Тарасенко

1956 жылы 13 қыркүйекте Гурьев облысының Мақат ауданындағы Байшонас кентінде туған. Орыс.

А.С. Пушкин атындағы Орал педагогикалық институтының жаратылыстану-география факультетін бітірген (1979), география және биология пәндерінің мұғалімі.

Өлкетану және балалар-жасеспірімдер Мәскеу халықаралық академиясының құрметті профессоры.

орыс және қазақ (сөздікпен) тілдерін біледі.

«Нұр Отан» ХДП, ҚР Парламенті Межілісіндегі «Нұр Отан» ХДП депутаттық фракциясының мүшесі.

1979 жылдан - Орал қаласындағы №20 орта мектепте география пәнінің мұғалімі, сыныптан тыс және мектептен тыс жұмыстарды ұйымдастырушы. 1987 жылдан - Зачаганск кенттік кеңесі төрағасының орынбасары, басшының орынбасары, басшысы, Орал қаласы Зачаганск кентінің әкімі . 1997 жылдан - Орал қаласы әкімінің орынбаса-ры. 2004 жылдың қазан айынан - ҚР Парламенті Мәжілісі 3-ші шақырылымының депутаты (№36 Батыс-Қазақстан облыстық Орал қаласының бір мандатты сайлау округынан сайланған).

2007 жылдан бері - ҚР Парламенті Межілісі 4-ші шақырылымының «Нұр Отан» ХДП тізімі бойынша депутаты, Экономикалық реформа және өңірлік даму комитетінің мүшесі.

Зачаганск кенттік кеңесінің депутаты (1982-1994). ҚР Президенті жанындағы Әйелдер істері және отбасы демографиялық саясат жөніндегі ұлттық комиссиясының мүшесі «Нұр Отан» ХДП фракциясы жанындағы әлеуметтік кеңестің жауапты хатшысы. ҚР туристер одағының президенті. Орал өзені бойына жасалатын жыл сайынғы халық аралық тарихи-мәдени, экологиялық экспедицияның жетекшісі.

«Құрмет» (2009) орденімен; «Қазақстан Республикасының тәуелсіздігіне 10 жыл» (2001), «Қазақстан Конституциясына 10 жыл» (2005), «Қазақстан Парламентіне 10 жыл» (2006) медальдарымен; «ҚР туризмін дамытудағы сіңірген еңбегі үшін» (2003) белгісімен марапатталған. «Ажар» ұлттық сыйлығының лауреаты (2003).

Қазақстанның болашағы туралы болжамы - «Қазақстандықтардың ең басты байлығы: бейбітшілік пен тұрақтылық. Қазақстан болашағының негізі - осы».

Хоббиі - спорттық туризм.

Сүйіп оқитын әдебиеті - классикалық әдебиет.

Тұрмыс Құрған. Жұбайы - Өтегенов Болат, сәулетші. Қызы -Тарасенко Наталья (1978 жылы туған), туризм жөніндегі менеджер.