Елена Мәжитқызы Әбдіхалықова

Елена Мәжитқызы Әбдіхалықова (1970 жылы 22 сәуірде Қызылорда облысы Жалағаш ауданы Шәменов ауылында туған) — айтыскер ақын, композитор, эстрада әншісі. Қазақстанның еңбек сіңірген қайраткері (2017). Филолгия ғылымдарының кандидаты (2004). Қазақстанның еңбек сіңірген қызметкері (1996).

Елена Мәжитқызы Әбдіхалықова
Туған күні

22 сәуір 1970 (1970-04-22) (53 жас)

Туған жері

Қызылорда облысы
Жалағаш ауданы

Мемлекет

 Қазақстан

Мамандығы

әнші, ақын
композитор

Аспаптары

Фортепиано

Жанрлары

эстрада

Марапаттары
Қазақстанның еңбек сіңірген қайраткері
Қазақстанның еңбек сіңірген қайраткері

Толығырақ өңдеу

  • Елена Мәжитқызы Әбдіхалықова 1970 жылы 22 сәуірде Қызылорда облысы Жалағаш ауданы Шәменов ауылында дүниеге келген.
  • 1992 жылы Қызылорда гуманитарлық университетінің филология факультетін бітірген.
  • Елена Әбдіхалықова мектеп қабырғасында жүргенде-ақ айтысқа қатысып, 1990 жылы Қызылорда қаласында өткен Рауан аймақтық фестивалінің лауреаты атанды. Бішкекте (1993), Алматыда (1994), Ташкентте (1995), Шымкентте (2002) өткен халықаралық айтыстардың жүлдегері. «Қарашық» өлеңдер мен әндер жинағы, «Бақыт құсы» атты жыр жинағы (2004) жарық көрген. Әбдіхалықованың «Есіңе мені алғайсың», «Көздеріңе ғашықпын», «Сыр елі», т.б. әндері халық арасына кең тараған.[1]
  • Халық арасына “Есіңе мені алғайсың”, “Сыр елі”, “Маңғыстау”, “Көздеріңе ғашықпын”, “Сені көрдім”, “Барады жылдар жылжып”, «Кош дерсің», «Аманат», «Қазақ елі», «Доспен қоштасу» т.б. 60-қа тарта әндердің авторы әрі орындаушысы. Оның әндері Мәдина Ералиева, Роза Рымбаева, Мақпал Жүнісова, Майра Ілиясова, Рамазан Стамғазиев, Тамара Асар, Жұбаныш Жексенұлы сияқты белгілі әншілердің ғана емес, жалпы халықтың сүйіп орындайтын әндеріне айналған. 2000 жылы “Есіңе мені алғайсың” атты аудио - ән жинағы жарық көрсе, 2004 жылы “Қош дерсің…” , 2010 жылы «Көздеріңе ғашықпын» атты компакт-дискісі шықты. Қазақстанның барлық аумақтарында, Түркия, Монғолия, Өзбекстан, Қырғызстан, Ресей қазақтарының арасында өнер көрсетті.
  • 2001 жылы Қызылорда “Сыр елім менің” атты шығармашылық кеші, 2002 жылы Алматыдағы Ғалымдар үйінде, 2004 жылы Астанадағы Конгресс-Холлда “Есіңе мені алғайсың” атты шығармашылық кештерін өткізді. “Сыр сүлейлерінің жазба айтысы” деген тақырыпта зерттеу еңбегі жарық көрді. Осы тақырыпта филология ғылымдарының кандидаты ғылыми дәрежесін қорғады.

Марапаттары өңдеу

Дереккөздер өңдеу

  1. “Қазақстан”: Ұлттық энцклопедия/Бас редактор Ә. Нысанбаев – Алматы “Қазақ энциклопедиясы” Бас редакциясы, 1998 ISBN 5-89800-123-9