Еміл Ринатович Кенжесариев

Еміл Ринатович Кенжесариев (26 наурыз 1987, Фрунзе) — қырғыз футболшысы, Қырғызстан Ұлттық құрамасында ойнаған. Қазақстандық жанкүйерлерге "Ақтөбе" клубында ойнаған жылдары жақсы таныс болған жартылай қорғаушы.

Еміл Кенжесариев
Жалпы мағлұмат
Толық аты	Еміл Ринатович Кенжесариев
Туған күні	26 наурыз 1987 (1987-03-26) (37 жас)
Туған жері	Фрунзе, Қырғыз КСР, КСРО
Азаматтығы	Қырғызстан  Қазақстан
Бойы	175
Салмағы	68
Позиция	жартылай қорғаушы
Клуб жайлы ақпарат
Клуб	карьерасын аяқтады
Клуб карьерасы 2003 Олимпия 2003—2005 Абдыш-Ата (Қант) 46 (21) 2005 Цесна 10 (6) 2006—2007 Астана 58 (8) 2008—2011 Ақтөбе 113 (18) 2012 Бунёдкор 6 (0) 2012—2013 Ақтөбе 25 (3) Ұлттық құрамы 2004 Қырғызстан 3 (1)

Өмірбаяны

2003-05 жылдары Қырғызстанның клубтарында ойнап, 2005 жылы "Цесна" командасына ауысты. 2006-07 жылдары елордалық "Астана" командасында өнер көрсетті де, 2008 жылы "Ақтөбе" командасының қатарын толықтырды. Ақтөбелік клубта біраз табыстарға жетті, ел чемпионы атанды, Қазақстан кубогы мен суперкубогына қол жеткізді. Одан бөлек Еурокубоктерге қатысып, біраз шыңдалды.

2011 жылы Өзбекстанның "Бунедкор" клубы сатып алды. Бірақ негізгі құрамға іліне алмай, 2012 жылы "Ақтөбеге" қайта оралды.

2013 жылы тамыз айының 10-нан 11-не қараған түнде Алматы көшелерінің бірінен ауыр соққыға жығылып, ес-түссіз жатқан күйі табылады да, дереу ауруханаға жеткізіледі. Бірнеше күннен соң ғана есін жиған Еміл қайтадан футбол ойнай алмады.

2017 жылы Қырғызстанда бапкерлік курстан өтіп, лицензия алды.

Ұлттық құрама

2004 жылы Қырғызстан құрамасы сапында үш ойын өткізді. Сол себепті де оның "Қазақстан құрамасында ойнасам" деген мақсаты орындалмады.

Жетістіктері

Командалық

• Қазақстан чемпионы (4): 2006, 2008, 2009, 2013
• Қазақстан кубогы (1): 2008
• Қазақстан суперкубогы (2): 2008, 2010

Жеке

• Қырғызстанның үздік футболшысы (1): 2004
• Достастық кубогының үздік мергені (1): 2010 (6 гол)