Ерлан Бәтташұлы Сыдықов

Ерлан Бәтташұлы Сыдықов
	Ерлан Бәтташұлы Сыдықов
Туған күні	29 ақпан 1956 (68 жас)
Туған жері	Семей, Шығыс Қазақстан облысы, Қазақ КСР, КСРО
Азаматтығы	КСРО; Қазақстан
Ғылыми аясы	тарих ғылымдары
Жұмыс орны	Л.Н.Гумилев атындағы Еуразия ұлттық университетінің ректоры (2011 жылдан)
Ғылыми дәрежесі	Халықаралық педагогика академиясының академигі, Тарих ғылымдарының докторы, профессор
Альма-матер	С.М.Киров атындағы Қазақ мемлекеттік университеті

Ерлан Бәтташұлы Сыдықов (29 ақпан 1956 жыл, Семей) — қазақстандық ғалым, тарих ғылымдарының докторы, профессор. Халықаралық педагогика академиясының академигі, Қазақстанның еңбек сіңірген қайраткері (2005), Қазақстан Республикасының Білім Беру ісінің Құрметті қызметкері, Л.Н.Гумилев атындағы Еуразия ұлттық университетінің ректоры (2011 жылдан) және Шығыс Қазақстан облысының Құрметті азаматы (2009 жылдан).

Білімі, ғылыми атағы

Орта білімді Абай ауданындағы Қарауыл ауылында Абай атындағы мектептен алған (1973 жылы тәмамдаған).

С.М.Киров атындағы Қазақ мемлекеттік университетінің Тарих факультетін 1978 жылы «Тарих» мамандығы бойынша «Тарихшы, тарих және қоғамтану оқытушысы» біліктілігімен тәмамдаған.

1981 жылғы қыркүйектен ҚазМУ-дің аспирантурасында білім алған, 1984 жылдың ақпанында диссертация қорғап, тарих ғылымдарының кандидаты ғылыми атағын алды.

1999 жылғы 15 қазанда «Қазақстан Ресей Федерациясының құрамында (1917–1937)» тақырыбы бойынша докторлық диссертация қорғады.

ҚР ЖАК шешімімен 2001 жылғы 25 қазанда профессор ғылыми атағы берілді.

Академиялық атағы

ЕҰУ ректоры Ерлан Сыдықов Еуразия ұлттық университетінің түлектерімен (2018)

2003 жылы Халықаралық педагогикалық білім беру ғылымдары академиясының академигі

2005 жылы Ы.Алтынсарин атындағы Қазақ білім беру академиясының акдемигі, Қазақ ұлттық жаратылыстану ғылымдары академиясының академигі болып тағайындалған.

Еңбек жолы

Еңбек жолын Семей қаласында 1978 жылы Семей ет және сүт өндірісі технологиялық институтында Қоғамдық ғылымдар кафедрасында тағылымдамадан өтуші-зерттеуші қызметінен бастаған.

1984 жылдың қыркүйегінен 1996 жылдың қаңтарына дейін Семей ет және сүт өндірісі технологиялық институтында ассистент, аға оқытушы, доцент, факультет деканының орынбасары, кафедра меңгерушісі, профессор, проректор қызметтерін атқарған.

1996 жылдың шілдесінде Қазақстан Республикасы Үкіметі аппаратының мемлекеттік қызмет және кадрмен жұмыс бөлімінің кеңесшісі қызметіне тағайындалған.

1997 жылдың маусымында Шәкәрім атындағы Семей мемлекеттік университетінің ректоры қызметіне тағайындалды.

2004 жылдың сәуірінде қайта құрылған Семей мемлекеттік педагогикалық институтының ректоры болып тағайындалған.

2008 жылдың шілдесінен 2011 жылдың 26 шілдесіне дейін Шәкәрім атындағы Семей мемлекеттік университетінің ректоры қызметін атқарған.

2011 жылғы 26 шілдеден бастап Қазақстан президентінің өкімімен Л.Н.Гумилев атындағы Еуразия ұлттық университетінің ректоры Мұрағатталған 9 сәуірдің 2018 жылы. болып тағайындалды.

Қоғамдық қызметі

Ерлан Сыдықов "Самұрық" шоу-балетінің мүшелерімен (2018)

2012 жылғы 15 қаңтардағы бесінші шақырылым Астана қаласы қалалық мәслихатының депутаты. Әлеуметтік-мәдени даму мәселелері жөніндегі тұрақты комиссия мүшесі.

Шығыс Қазақстан облыстық мәслихатының 3 шақырылымының депутаты, Қазақстан Республикасының Ұлттық кеңесінің мүшесі. Ұлттық тарихшылар Конгресінің төрағасы. «Астана ЭКСПО-2017» ҰК» АҚ жанынан құрылған Қоғамдық кеңестің бірінші отырысы барысында оның төрағасы қызметіне Л.Гумилев атындағы Еуразия ұлттық университетінің ректоры Ерлан Сыдықов сайланды.

Марапаттары

2001 жылы «Қазақстан Республикасы Білім беру ісінің құрметті қызметкері» атағы;
2001 жылы «Қазақстан тәуелсіздігіне 10 жыл» медалі;
2004 жылы Ахмет Байтұрсынұлы атындағы күміс медалі;
«Ы.Алтынсарин атындағы құрмет белгісі» медалі;
2005 жылы «Қазақстан конститутциясына 10 жыл» медалі;
2005 жылы елбасының жарлығымен «Қазақстанның еңбек сіңірген қайраткері» құрметті атағының иегері атанды.
2007 жылы Қазақстан Республикасының Құрметті спорт қайраткері (құрметті атағы);
2007 жылы ҚР Білім және ғылым министрлігінің «Ғылымды дамытуға сіңірген еңбегі үшін медалі»;
2009 жылы Шығыс Қазақстан облысының Құрметті азаматы (құрметті атағының иегері);
2010 жылы «Парасат ордені» мен марапатталды.
2011 жылы «Қазақстан тәуелсіздігіне 20 жыл» медалі;
2015 жылы «Қазақстан конститутциясына 20 жыл» медалі;
2015 жылы «Қазақстан халқы ассамблиясына 20 жыл» медалі;
2015 жылы президенттің өз қолынан жоғарғы мемлекеттік награда ІІ дәрежедегі «Барыс ордені» мен марапатталды (Астана, 13 желтоқсан 2015 жылы);
2015 жылы ТМДның алтын достастық медалі;
2015 жылы Халықаралық Шыңғыс Айтматов атындағы сыйлықтың иегері атанды.
2016 жылы Парламент Сенатының Құрмет грамотасы;
2016 жылы «Қазақстан тәуелсіздігіне 25 жыл» мерекелік медалі;
2016 жылы «Қазақстан прократурасына 25 жыл» медалі.

Кітаптар

Шәкәрім және Алашорда (Алматы, 2008)
«Шәкәрім» энциклопедиясы (Семей, 2008)
Алаш қаласының тарихы (Семей, 2010)
Город Алаш (сборник документов) (Семей, 2010)
Восточная Алашорда (Семей, 2010)
Демократия салтанаты (Семей, 2011)
Шакарим (Москва, 2012)
Энциклопедия «Лев Гумилев» (Астана, 2012)
Лев Гумилев и тюркское возрождение (Астана, 2012)
Ученики Л.Н.Гумилева (к 100-летию Л.Н. Гумилева) (Астана, 2012)
Вопросы Евразийства: Истоки евразийства (Астана, 2012)
Шәкәрім – Ұлы дала тұлғалары (Алматы, 2013)
Энциклопедия «Лев Гумилев» (Москва, 2013)
Хан Абылай: таным мен тағылым (Астана, 2013)
Халық тарих толқынында І (Астана, 2013)
Халық тарих толқынында ІІ (Астана, 2013)
Халық тарих толқынында ІІІ (Астана, 2014)
Халық тарих толқынында ІV (Астана, 2014)
Народ в потоке истории V (Астана, 2014)
Шәкәрім (түрік тілінде, Анкара, 2014)
Жамбыл (Москва, 2015)
Shakarim the lite of a Kazakh poet (түрік тілінде, Published by the Aitmatov Academy, 2015)
Как пишутся книги (Астана, 2016)[1] Мұрағатталған 11 ақпанның 2019 жылы.
Жамбыл (серб тілінде, Beograd, 2016)
Шәкәрім Құдайбердіұлы (Фотокітап, Алматы, 2018)