Ернар Әзімқұлұлы Мыңтаев

Ернар Әзімқұлұлы Мыңтаев (1973 жылы 16 қаңтарда Жамбыл облысы Шy ауданының Төле би ауылы) - әртіс. Қазақ.

Ернар Әзімқұлұлы Мыңтаев
Дүниеге келгені:	16.01.1973 Жамбыл облысы Шy ауданының Төле би ауылы
Мансабы:	Астана қаласындағы Мемлекеттік филармониясы ҚР Мемлекеттік квартетінің әртісі

Әкесі - Мыңтаөв Әзімқұл Сәдібекұлы. Анасы - Мешітбаева Сәуле Мешітбайқызы, «Қазақстан - Заман» халықаралық газеті директорының бірінші орынбасары.

Құрманғазы атындағы Алматы мемлекеттік консерваториясының оркестр факультетін бітірген (1996), виолончелші, концерттік орындаушы, оркестрдің солисі, оқытушы, камералық оркестр әртісі.

«Нұр Отан» ХДП мүшесі. 1995 жылдың желтоқсан айынан -Жамбыл атындағы Қазақ мемлекеттік филармониясы ҚР Мемлекеттік ішекті аспаптар квартетінің әртісі. 1998 жылдың сәуір айынан бері - Астана қаласындағы Мемлекеттік филармониясы ҚР Мемлекеттік квартетінің әртісі.

«Дарын» Мемлекеттік жастар сыйлығының (1996), Д. Сахаров атындағы Халықаралық сыйлықтың (1993), Халмамедов атындағы Халықаралық виолончелыиілер конкурсының (Түркіменстан, 1995), Халықаралық виолончельшілер конкурсының (Молдова, 1997), «Алтын күз» халықаралық камералық музыка конкурсының (Украина, 1993), Д. Шостакович атындағы Халықаралық ішекті аспаптар квартеттері конкурсының (1999, 2001, 2004), Беллини атындағы Халықаралық камералық музыка конкурсының (Италия, 2000), Ішекті аспаптар квартеттерінің халықаралық конкурсының (Бордо қ., Франция, 2000), Халықаралық камералық музыка конкурсының (Осака қ., Жапония, 2005) лауреаты, «Шабыт» Халықаралық байқауының лауреаты және ҚР Президенті кубогының иегері (Астана қ., 2001).

«Ерен еңбегі үшін» медалімен марапатталған (2000). Испания королевасы София ұсынған «Испаниядағы үздік жыл квартеті» дипломының иегері (2005).

Бойдақ.