Ерсайын Қайырғазыұлы Нағасбаев

Ерсайын Қайырғазыұлы Нағасбаев 1980 жылы 28 шілдеде Қарағанды қаласында туған. Қазақ.

Е.А. Бөкетов атындағы Қарағанды мемлекеттік университетін (2001) бітірген, шет тілін меңгерген халықаралық экономикалық қатынастар жөніндегі экономист. Қазақ, орыс және ағылшын тілдерін біледі. 2001 жылдан - Теміртау қаласыәкімінің аппараты жетекші маманының міндетін атқарушы. 2002 жылдың наурызынан - Қазақстан Республикасы СІМ Инвестициялар комитетінің өңірлік халықаралық жобалар бөлімі атташесінің міндетін атқарушы; 2002 жылдың шілдесінен - атташесі. 2002 жылдың қыркүйегінен - Қазақстан Республикасы СІМ Халықаралық экономикалық ұйымдар басқармасының атташесі. 2003 жылдан - РФ-дағы Қазақстан Республикасы Елшілігінің атташесі, 2005 жылдан - үшінші хатшысы (Мәскеу қаласы). 2006 жылдан - Қазақстан Республикасы Көлік және коммуникация министрлігі Көлік саясаты және халықаралық ынтымақтастық департаментінің бөлім бастығы, 2007 жылдың қаңтарынан - департамент директорының орынбасары. 2007 жылдың наурызынан - «Ақтау халықаралық теңіз сауда порты» РМК аппараты басшысының орынбасары; 2007 жылдың сәуірінен - басшысы. 2009 жылдың наурызынан - Қазақстан Республикасы Көлік және коммуникация министрлігінің Әкімшілік жұмыстар және мемлекеттік сатып алу департаменті директорының орынбасары. 2009 жылдың мамырынан - Қазақстан Республикасы Премьер-министрі орынбасарының кеңесшісі. 2009 жылдың желтоқсанынан - Қарағанды қаласы Қазыбек би ауданы әкімінің орынбасары. 2010 жылдан- Қарағанды облысы әкімінің кеңесшісі. 2011 жылдың қаңтарынан бері - Шахтинск қаласыныңәкімі.