Ескене
Ескене — Атырау облысы, Мақат ауданы құрамында болған мұнайшылар ауылы, Ембінің ең көне мұнай кәсіпшіліктерінің бірі. 2013 жылы таратылған.[1] Атырау қаласының солтүстік-шығысында, 60 км жерде орналасқан.
| Ауыл | |
| Ескене | |
| Әкімшілігі | |
|---|---|
| Ел | |
| Облысы | |
| Ауданы | |
| Ауылдық округ | |
| Тарихы мен географиясы | |
| Координаттары |
47°13′02″ с. е. 52°38′01″ ш. б. / 47.21722° с. е. 52.63361° ш. б. (G) (O) (Я)Координаттар: 47°13′02″ с. е. 52°38′01″ ш. б. / 47.21722° с. е. 52.63361° ш. б. (G) (O) (Я) |
| Құрылған уақыты |
1934 |
| Ауыл статусы |
2008 |
| Уақыт белдеуі | |
| Тұрғындары | |
| Тұрғыны |
528 адам (2009) |
| Сандық идентификаторлары | |
| Автомобиль коды |
06 |
Ескене шекарасы
| |
Тарихы
өңдеуҚұрылуы және дамуы
өңдеу1932 жылы ашылған Оңтүстік Ескене кен орнының негізінде 1934 жылы іргесі қаланды. 1932-1934 жылдары қалыптасып дами бастады, дизельдік электр станциясы, Ескене-Байшонас жоғарғы вольтті электр желісі, ұзындығы 80 км су құбыры, ұзындығы 18,5 км тар табанды темір жол, тәуліктік қуаты 25 т-лық шағын мұнай айдау зауыты, тұрғын үй және мәдени-тұрмыстық нысандар салынды. Соғыс кезінде мұнай кәсіпшілігінің жетістіктері кеңінен белгілі болды, кәсіпшілік Отан қорғау комитетінің Қызыл Туымен марапатталды. Мұнда мұнайшы-стахановшы, бірінші шақырылған КСРО Жоғарғы Кеңесінің депутаты Сабырғали Зорбаев жұмыс істеді. Кенорынды пайдалану басталған кезден 1998 жылдың басына дейін 1162 мың т мұнай өндірілді, мұнай өндіруші 41 ұңғыма болды.
Инфрақұрылымы
өңдеуАуылда сегізжылдық мектеп, фельдшерлік-акушерлік пункт т.б. болды. Тұрғындары көрші елді мекендермен темір жол және автомобиль жолы арқылы қатынаған болатын.
Таратылуы
өңдеуАуыл 2008 жылға дейін кент статусында болған[2]. Кейін 2013 жылы Солтүстік Каспий аймағында ірі кен орынының ашылуына байланысты ауыл таратылып, тұрғындары Атырау қаласына және Махамбет ауылына көшірілген болатын[1].
Халқы
өңдеуТұрғыны 1999 жылы 0,5 мың адам болса, 2009 жылы 528 адамды құраған болатын[3].
Дереккөздер
өңдеу- ↑ a b Атырау облысы Мақат ауданының Ескене және Байшонас елді мекендерін тарату туралы
- ↑ Мақат ауданының кейбір кенттерін село санатына жатқызу туралы
- ↑ [stat.gov.kz/getImg?id=WC16200032719 - 2009 жылғы Қазақстан Республикасы халқының Ұлттық санағының қорытындылары. Астана 2011. 1 том]