УЕФА Чемпиондар Кубогының финалы 1956 — УЕФА Чемпиондар Кубогының 1955/56 жылғы маусымының финалдық матчы. Турнир тарихындағы тұңғыш финал. 1956 жылы 13 маусымда Париждегі "Парк де Пренс" стадионында өтті. "Реал" футболшылары 4:3 есебімен "Реймс" клубын ұтып, турнирдің тұңғыш жеңімпазы атанды.
Ойын Орталық Еуропа уақыты бойынша 20:30-да басталды. Матч өте тартысты өтті. Екі жақ та аталмыш турнирдің тұңғыш жеңімпазы болу үшін барын салды. 10-минуттың өзінде "Реймс" 2:0 есебімен алда тұрды. "Реал" екі гол соғып, есепті теңестірді де, 62-минутта франциялық клуб тағы да алға шықты. Бірақ 67, 79 минуттарда "Реал" екі доп соғып, осы есепті сақтап қала алды.
Парк де Пренс, Париж
Артур Эдвард Эллис
