Ешкіөлмес (тау, Ақсу ауданы)
Ешкіөлмес, Күреңбел – Жетісу (Жоңғар) Алатауының тұтас бір сілемі.
| Ешкіөлмес тауы | |
| Сипаттамасы | |
|---|---|
| Тау жүйесі | |
| Ұзындығы |
35 км |
| Биіктігі |
1672 м |
| Орналасуы | |
|
45°09′15″ с. е. 78°51′20″ ш. б. / 45.15417° с. е. 78.85556° ш. б. (G) (O) (Я)Координаттар: 45°09′15″ с. е. 78°51′20″ ш. б. / 45.15417° с. е. 78.85556° ш. б. (G) (O) (Я) | |
| Елдер | |
|
| |
|
| |
Басқа мағыналар үшін Ешкіөлмес деген бетті қараңыз.Географиялық орны өңдеу
Жетісу облысы Ақсу ауданындағы, Көшкентал ауылының оңтүстік-батысында орналасқан. Абсолюттік биіктігі 1672 м.
Тарихи деректер өңдеу
Күреңбел туралы Ш. Уалиханов "Бүкіл Орта Азияда бұған тендес жер жоқ" деп толғанған. Ешкіөлмес Күреңбелдің күнгейін қыстап, қөрек көрген ешкілер қыстан аман-есен шығып, төлдерімен өсіп өнеді. Бұны көрген халық қандай қақаған аяз, жұттан ешкі өлмей қыстап шығатын "Ешкіөлмес жер" деп атап кеткен. Осы жотаның баурайындағы "Тоғыз құмалақ" мекенінде 1895 жылы Біржан сал мен ақын Сара Тастанбекқызының айтысы өткен.[1]
Жер бедері өңдеу
Батысында Ақешкі, шығысында Қопалы (Қапал) өзендері жатыр. Ендік бағытта 35 км-ге созылған жотаның солтүстік беткейлері тіктеу, оңтүстік жайпақ келген. Ол сай-жыралармен тілімденген. Баурайынан Ақешкі, Қопалы, Қызылағаш, Сарыбұлақ, т.б. өзендер бастау алады. Суы шипалы бұлақтар жиі кездеседі.
Өсімдігі өңдеу
Беткейлері мен шатқалдарында терек, тал, жеміс ағаштары аралас астық тұқымдас шөптесіндер өскен. Етегінде далаға тән өсімдіктер өседі.
Елді мекендері өңдеу
Ешкіөлмес баурайында Тамбала, ақын Сара, Көшкентал, Ақешкі, Қапал, оңтүстік етегінде Қоңыр, т.б. елді мекендер орналасқан. Шығысында Қорымбел қонысы Баянжүрек тауына дейін созылып жатыр.[2]
Дереккөздер өңдеу
- ↑ Жетісу энциклопедия. - Алматы: «Арыс» баспасы, 2004 жыл. — 712 бет + 48 бет түрлі түсті суретті жапсырма. ISBN 9965-17-134-3
- ↑ Қарағанды. Қарағанды облысы: Энциклопедия. - Алматы: Атамұра, 2006. ІSBN 9965-34-515-5