Еңбек құралдары
Еңбек құралдары - еңбек заттарын дайын өнімге айналдыру барысына тікелей қатысатын немесе солар арқылы жұмыскер белгілі бір жұмысты (қызметті) орындап, осы затқа әсер ететін еңбек құрал-жабдығының негізгі бөлігі (жұмыс машиналары, қозғалтқыштар, беріліс қондырғылары). Ғылыми-техникалық прогресс жағдайында машина-автоматтардың, электронды-есептеу техникасының, икемді автоматтандырылған жүйелердің кешендері сияқты еңбек құралдарының маңызы арта түседі.[1]
Алғашқы адамдардың еңбек құралдары
өңдеу
Алғашқы еңбек құралдары негізінен тастан жасалды. Олар: қазғыш таяқ, үшкір тас, шоқпар,шапқы.
Тасты өңдеу әдісі
өңдеуТас құралдар өте қарапайым еді. Бір тасты екінші таспен екі жағынан кезек соққылап жүз шығарып,соны пышақ ретінде пайдаланды. Жүзі өткір тастармен ағаш таяқшаларды жонып,ұшын шығарды. Әлем бойынша ең көне тас құралдар Шығыс Африкадағы Олдувей шатқалынан табылған. Бұлар ғылымда чоппер, чоппинг аталынатын, бір жағында жүзі бар құралдар. Чоппер аң еті мен ағаш кесу үшін пайдаланған. Батпақ деп аталатын көне мекеннен 300-ге таяу тас құралдары табылған. Аң аулауда қысқа сапты ағаш найза - дротик, ұшы сүйектен жасалған сүңгі - гарпун деп аталады, жануарлардың мойнына немесе аяқтарына оралып, құлататын жіп байланған тастар - болос деп аталды.[2]
Дереккөздер
өңдеу- ↑ Қаржы-экономика сөздігі. — Алматы: ҚР Білім және ғылым министрлігінің Экономика институты, «Зияткер» ЖШС, 2007. ISBN 978-601-215-003-2
- ↑ Атамұра",2015 6 - сынып Ежелгі Қазақстан Тарих
|
Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |