Жабынды жасушалар

Жабынды жасушалар (перициты); (pericytus, грек, peri — қасында, маңында және kytos — жасуша) — қылтамырлар (капиллярлар) қабырғасында негіздік жарғақта орналасқан талшықты борпылдақ дәнекер ұлпасының жасушалары. Жабынды жасушалар мезенхимадан дамиды. Олар капиллярлар қабырғасының сыртқы қабатын құрайтын өсінділі жиырылғыш жасушалар. Жабынды жасушалар жиырылып және босаңсып, капиллярлар арнасын кеңейтіп немесе тарылтып отырады. Жабынды жасушалар камбиальды, яғни түзу қызметін де атқаруы мүмкін. Бұлардан микроайналым қан тамырларының (артериолалар мен венулалар) қабырғаларындағы ет жасушалары (миоциттер) дамиды.