Жалаңкөз
Жалаңкөз (лат. Ablepharus) – кесірткелерге жататын бауырымен жорғалаушылар тегі. Оңтүстік Еуропа, Кавказ, Азияда тараған 6 түрі белгілі. Қазақстанның шөлді, шөлейтті жерлерінде кездесетін 2 түрі (шөл Жалаңкөзі, алай Жалаңкөзі) бар. Денесі созылыңқы, ұзындығы 13 см-дей. Аяқ-қолы бес саусақты, нашар жетілген. Қабақтары бір-бірімен тұтасып өсіп кеткен, соның салдарынан көздерінің орнында қозғалмайтын, түссіз саңылау ғана қалған. Жануардың аты осыған байланысты қойылған. 6 – 7 ай ғана белсенді тіршілік етеді, негізінен, қорегін күндіз іздейді. Жәндіктермен және олардың дернәсілдерімен, қоңыздармен, қосқанаттылармен, моллюскілермен қоректенеді.[1]
| Ортаққорда бұған қатысты медиа санаты бар: Ablepharus |
Дереккөздер
өңдеу
|
Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |