Жамбыл (фильм)
«Жамбыл» — толық метражды көркем фильм. 1952 ж. Алматы көркем және хроника фильмдер студиясы шығарған.
| Жамбыл | |
|---|---|
| Джамбул | |
 | |
| Жанры | драма, тарихи фильм |
| Режиссёрі | Ефим Дзиган |
| Сценарийдің авторы | Николай Погодин, Әбділда Тәжібаев |
| Басты рөлдерде | Шәкен Айманов |
| Операторы | Николай Большаков, Игорь Гелейн |
| Композиторы | Николай Крюков, Мұқан Төлебаев |
| Кинокомпания | Қазақфильм |
| Ұзақтығы | 85 мин. |
| Мемлекет |  КСРО |
| Тілі | орысша |
| Шыққан жылы | 1952 |
Сюжет Өңдеу
ХІХ ғасырдың 70-ші жылдары, қазақ даласы. Кең жазықта бақытсыз халықтың жас ақыны Жамбыл кезіп келе жатыр. Атақты ақын Сүйінбай өлім төсегінде Жамбылға өз домбырасын тапсырады. Ешқандай жағымпаздық, ешқандай алтын, ешқандай қуғын халық ақынын өтірік айтуға мәжбүрлей алмайды. Патша үкіметі ақынның еркін дауысын өшіру үшін оны қамауға алады. Түрмеде ақын орыс солдаты, большевик Василиймен кездеседі. Бұл кездесуден кейін ол Ресейдің қарапайым адамдары мен қазақ еңбек халқының мақсаты бір екеніне көз жеткізеді.
Жылдар өтеді. Ақын қартаяды. Байлар атақты ақын Сүйінбайдан мұра болып қалған домбыраны тартып алады. Жамбыл әндерінің үні өшеді. Октябрьлік революция туралы жаңалық Жамбылдың жанына жаңа күш береді. Ол өзінің шығармашылығына деген құмарлығын қайтарады. Сүйінбайдың домбырасы Жамбылға қайта оралады. Жамбыл жаңа өмір жарығын көрген халықтың бақыты туралы әндетеді. Жамбыл Мәскеуге аттанады. Жамбыл астананың әдемі көріністерін тамашалап, ол туралы әндер шығарады. Ұлы Отан соғысының қиын күндері басталады, Жамбыл өз ұлын майданға аттандырады. Ол жерлестеріне Ұлы Отанға шабуыл жасаған жауды ұруға шақырады. Қоршалған Ленинградта Жамбылдың белгілі әні "Ленинградтық өренім..." үні естіледі. Өз халқымен бірге ақын көшеде "Жеңіс күнін" кездестіреді. Оның қолында сол баяғы домбыра қайта әндетеді[1].
Рөлдерде Өңдеу
- Жамбыл — Шәкен Айманов
- Қадырбай — Құрманбек Жандарбеков
- Шаймұхаммед — Ғарифолла Құрманғалиев
- Василий Власов — Герман Хованов
- Боранбаев — Қапан Бадыров
- Алма — Хафиза Әбуғалиева
- Нәдір — Кененбай Қожабеков
- губернатор — Константин Адашевский