Николай Фёдорович Погодин

Николай Фёдорович Погодин (лақап аты; шынайы тегі — Стукалов) (16 қараша 1900, қазіргі Донецк, Гундоровская с. — 19 қыркүйек 1962, Мәскеу) — орыс кеңес драматургі. РКФСР-дің еңбек сіңірген өнер қайраткері (1949).

Николай Фёдорович Погодин
Туған кездегі есімі

Николай Фёдорович Стукалов

Лақап аты

Погодин

Туған күні

3 (16) қараша 1900 (1900-11-16)

Туған жері

Гундоровская станицасы, Донецк (Ростов облысы), Ресей империясы

Қайтыс болған күні

19 қыркүйек 1962 (1962-09-19) (61 жас)

Қайтыс болған жері

Мәскеу, КСРО

Азаматтығы

 КСРО
РКФСР (1917-1922)
Ресей империясы (1900-1917)

Ұлты

орыс

Мансабы

сценарийші, драматург

Шығармашылық жылдары

1920-1962

Бағыты

социалистік реализм

Жанры

пьеса, сценарий

Шығармалардың тілі

орыс

Өмірбаяны өңдеу

1920 ж. «Донская беднота» газетінде Погодинның алғашқы мақаласы жарияланды. «Трудовой Дон», «Трудовая жизнь» газеттерінде жұмыс істеді.

Погодин 1951—1960 ж. «Театр» журналының бас редакторы болды. Погодиннің «Ақсүйектер», «Мылтықты адам», «Кремль куранттары» т. б. пьесалары қазақшаға аударылып, республикалық театрларында қойылып келеді.

Погодин қазақ ақыны Ә. Тәжібаевпен бірге «Жамбыл» сценарийін жазды (1952).

Шығармашылығы өңдеу

1922—1930 ж. «Правда» газетінде жарияланған очерктері «Арайлы таң», «Қызыл желектер» жинақтарына енді. «Қарқын» (1930 ж. жазылған), «Балта туралы жыр» (1931), «Менің досым» (1932), «Ақсүйектер» (1934) пьесаларында бірінші бесжылдықтың ұлы жоспарларын жүзеге асыру жолындағы жігерлі рухты бейнеледі.

«Мылтықты адам» (1937, КСРО Мемлекет сыйлығын алған, 1941), «Кремль куранттары» (1942 — 56), «Қырсықты құйындар» (1953), «Алаулаған бұлттар» (1955), «Үшінші патетикалық» (1959) пьесалары, «Ноябрь», «Ресей үстіндегі сәуле», «Феликс Дзержинский» сценарийлері тарихи революциялық тақырыпқа жазылған.

В. И. Ленин бейнесіне арналған трилогиясы үшін («Мылтықты адам», «Кремль куранттары», «Үшінші патетикалық») Погодинге Лениндік сыйлық берілді. (1959).

Марапаттары мен естелік өңдеу

Солтүстік Қазақстан обл. драма театры Погодин есімімен аталады.

Погодин 2 рет Ленин орденімен, басқа да орден, медальдармен марапатталған.[1]

Дереккөздер өңдеу

  1. Казак В.: Лексикон русской литературы XX века. — С. 322.