Жарылқасын Әбілқасымұлы Кенжебеков

Жарылқасын Әбілқасымұлы Кенжебеков

1970 жылы 18 қаңтарда Қызылорда облысы Жаңақорған ауданының Жаңақорған кентінде туған. Қазақ.

Әкесі - Кенжебеков Әбілқасым, зейнеткер. Анасы - Кенбаева Садатхан.

Қазақ мемлекеттік басқару академиясы жанындағы Алматы банк колледжінің экономика факультетін (1995) банкісінің маманы мамандығы бойынша; Т. Рысқұлов атындағы Қазақ экономикалық университетін (2008) «Менеджмент» мамандығы бойынша бітірген.

Қазақ, орыс және ағылшын (ауыз екі) тілдерін біледі.

«Нұр Отан» ХДП мүшесі (2007 жылдың мамырынан).

1995 жылдың қарашасынан - «Тұран Әлем банкі» АҚ Қызылорда облыстық филиалының проблемалы қарыздар секторының маманы. 1999 жылдың қаңтарынан Қызылорда облысы бойынша Кеден басқармасының кедендік рәсімдеу және кеден бақылауы бөлімінің аға маманы 2001 жылдың мамырынан - «Қазақстан Халық банкі» АҚ Жаңақорған аудандық филиалының басқарушысы, 2003 жылдың ақпанынан - «Қазақстан Халық банкі» АҚ Шиелі аудандық филиалының басқарушысы. 2004 жылдың қазанынан - «Қазақстан Халық банкі» АҚ Қызылорда облыстық филиалы директорының бөлшек сатылымдар жөніндегі орынбасары. 2006 жылдың қыркүйегінен - «Альянс Банк» АҚ Қызылорда филиалының директоры.

2009 жылдың қарашасынан бері - «Қызылорда Газ-К2» ЖШС директоры.

Қызылорда облыстық мәслихатының депутаты (2007-2012), өз-өзін ұсынушы.

Қызылорда облыстық мәслихатының жастар істері және құқық қорғау органдарының мәселелері жөніндегі тұрақты комиссиясының мүшесі, жастар саясаты және партиоттық тәрбие жөніндегі кеңестің мүшесі. Қызылорда облыстық балалар-жасөспірімдер футбол лигасының президенті. Қызылорда облысының 70 жылдығы құрметіне, Қызылорда қаласының 190 жылдығы құрметіне медальдарымен; «Қазақстан Халық банкі» ААҚ басқарма төрағасының (2001, 2002, 2003), «Қазақстан Халық банкі» АҚ Қызылорда филиалы директорының (2003) құрмет грамоталарымен марапатталған.

Әскери атағы - аға сержант.

Діни көзқарасы - «Барлық діндер мен діни ағымдарға құрметпен қараймын».

Саяси қайраткер ретіндегі идеалы - Н.Ә. Назарбаев, Д.А. Қонаев.

Қазақстанның болашағы туралы болжамы - «Ауыл тұрғындарының тіршілік деңгейін арттыру, оның әлеуметтік-экономикалық гүлденуі».

Хоббиі - спорт (баскетбол, футбол).

Сүйіп оқитын әдебиеті - қазақ классикасы.

Үйленген. Жұбайы - Сүлейменова Мереке Жанұзаққызы (1978 жылы туған), үй шаруасымен айналысады. Қызы - Әбілқасым Ақерке Жарыл қасынқызы (1999 жылы туған); ұлдары - Әбілқасым Сәтбай Жарылқасынұлы (2004 жылы туған), Жарылқасын Нұрсұлтан Жарылқасынұлы (2008 жылы туған).