Жақай Жұбайұлы Нұрғалиев

Жақай Жұбайұлы Нұрғалиев

Жақай Жұбайұлы Нұрғалиев

1948жылы 17 наурызда Павлодар қаласында туған. Қазақ

Әкесі - Нұрғалиев Жұбай, зейнеткер, ҰОС қатысқан, партия-кеңес органдарында басшылық қызметтер атқарған. Анасы - Қарабекова Елеусіз, марқұм.

Өскемен жол-құрылыс институтының инженерлік-экономикалық факультетін (1972) инженер-экономист мамандығы бойынша; Семей зооветеринарлық институтының зоотехникалық факультетін (1989) инженер-зоотехник мамандығы бойынша бітірген.

«Қойдың етті-майлы тұқымының өнімділік қасиеттері», «Павлодар облысы Май ауданы жағдайындағы қазақтың ақбас сиырының тұқымдық және өнімділік қасиеттері», «Павлодарлық Ертіс бойындағы өнімділігі жоғары қой шаруашылығы») (1998), «Жүнді тоқыма және бұйымдар тоқуға пайдалану тәжірибесі» (1998), «Ғылым, білім беру және мәдениетті дамыту стратегиялары» (1998), «Ет өнімін алу мақсатындағы қой шаруашылығының биогенетикалық әлеуетін барынша пайдалану» (1999), «Нарық жағдайында қой шаруашылығы саласының бәсекеге қабілеттілігін арттыру» (2000), «ҚР солтүстік-шығыс аймақтарындағы қой шаруашылығының ресурстарын үнемдеу, қалдықсыз технологияның кейбір аспектілері» (2001), «ҚР-да тері өнімін қайта өңдеудің жағдайы және басым бағыттары» (2003), «Ет өнімін алу мақсатындағы қой еті сапасын арттыру» (2005), «Қой шаруашылығы саласына кластерлік тұрғыдан келудің ғылыми тәсілдері» (2005) жұмыстарының авторы.

1972 жылдан - Павлодар облысы Май АТК инженері , шеберханаларының бастығы, өндіріс бастығы. 1975 жылдан - Павлодар облысы Май аудандық партия комитеті ұйымдастыру бөлімінің нұсқаушысы, бөлім меңгерушісі. 1980 жылдан - Павлодар облысы Май АТК бастығы. 1987 жылдан - Павлодар облысы Май аудандық атқару комитеті төрағасының орынбасары. 1990 жылдан -кеңшар директоры. 1992 жылдан - Май аудандық әкімшілік басшысының бірінші орынбасары, ААІШБ бастығы. 1994 жылдан - Павлодар облысы Шарбақты ауданының әкімшілік басшысы, әкімі. 1997 жылдан - Павлодар облысы әкімінің орынбасары - АШӨК департаментінің бастығы. 1998 жылдан - Павлодар облысы Шарбақты ауданының әкімі. 2000 жылдан - ТЖ жөніндегі Павлодар облыстық бас қармасының бастығы, ҚР Парламенті Сенатының депутаты, Қаржы және бюджет комитетінің мүшесі; Павлодар облысы әкімінің орынбасары.

2005 жылдан бері - ҚР Парламенті Сенатының депутаты, Қаржы және бюджет комитетінің мүшесі.

«Құрмет» орденімен (2008); «Қоғамдық тәртіпті сақтаудағы үздік қызметі үшін» (1984), «Тыңға 50 жыл» (2004), «Қазақстан Конституциясына 10 жыл» (2005), «Қазақстан Парламентіне 10 жыл» (2006) медальдарымен марапатталған.

Әскери атағы - майор.

Діни көзқарасы - атеист.

Саяси қайраткер ретіндегі идеалы - Н.Ә. Назарбаев.

Қазақстанның болашағы туралы болжамы - «Экономикалық дамыған мықты мемлекет».

Хоббиі - спорт, музыка.

Сүйіп оқитын әдебиеті - классика, детективтер, деректі әдебиет.

Үйленген. Жұбайы - Әміренов а Әсия Хамит қызы (1950 жылы туған), педагог . Қыздары - Жаннат (1971 жылы туған), Салтанат (1973 жылы туған), Сәуле (1977 жылы туған), Қымбат (1982 жылы туған).[1]

Дереккөздер

өңдеу
  1. Қазақстан Республикасында кімнің кім екені - 2011 жыл. Екі томдық анықтамалық. Алматы, 2011 ІSВN 978-601-278-473-2