Жақсықылыш тұз кен орны

 Басқа мағыналар үшін Жақсықылыш деген бетті қараңыз.

Жақсықылыш тұз кен орны — ас тұзы мен натрий сульфаты өндірілетін тұзды көлдер тобы. "Аралтұз" комбинаты бұл кеннен 1940 жылдан бері ас тұзын өндіріп келеді.

Географиялық орны

Қызылорда облысы Арал ауданы жерінде.

Жатыс сипаты

Қыс пен көктемнің басында көлде беткі, ал басқа уақыттарда түпкі тұздық ерітінді болады. Түпкі шөгінділерде галиттің жаңа тұнбасы (2,5-14 см), саз бен құм аралас гранатқа (23-48 см), таза гранатқа (9-110 см), тығыз гранатқа (28-83 см), астраханит (93-140 см), эпсомит (8,5-14 см), ал бұлардан төмен ми батпақ бар. Өндірістік категориялардағы ас тұзының қоры 38928 мың т, ал сульфат тұздары 8071 мың т.