Жекей Қалидолдаұлы

Жекей Қалидолдаұлы (1959 жылы туған, Моңғолия) - қазақ, бригада генералы (2007). Сухе батыр атындағы Әскери жоғары оку орнын (1983), Мәскеу қаласы Шекара әскери мамандық жетілдіру курсын (1990), Мәскеу қаласы Шекаралық әскери басқару академиясын (1997) бітірді. 1967-75 жылдары орта мектепті бітірісімен, Қобда қалалық ауыл шаруашылық техникумында оқиды. 1979 жылы әскери борышын өтейді. Улан-Удедегі қаладағы Сухе Батыр атындағы әскери жоғары оқу орын бітірісімен, 1983 жылы Батыс шекарасы «Бұлғын» отрядына қызметке тағайындалады. Әскери қызметін взвод командирлігінен бастап, он шақты жыл аралығында жылжымалы топ жетекшісі, штабтың әзірлік бөлімінің бастығы, отряд командирі. 1990 жылы Мәскеу қаласында шекара әскерлері мамандығын жетілдіру курсын аяқтаған соң, бұрынғы қызметіне қайта кіріседі. Мәскеу қаласы Шекаралық әскери басқару академиясында оқып жүріп, 2000 жылы әскери ғылым саласында докторлық диссертациясын қорғайды. Осы жылы Моңғолия мемлекетінің Ұлы Құрылтайына депутат болып сайланады. Жекей Қалидолдаұлы Моңғолияның жогары наградалары «Алтын жұлдыз», «Майдан даңқы» орден-медальдарымен марапатталған. 2004 жылы депутаттық-мандаттық уақыты аяқталғаннан кейін, Моңғолия шекаралық әскері Бас қолбашысының бірінші орынбасары лауазымдық кызметке тағайындалады. 2007 жылы 27 шілдесінде Моңғолия Президентінің Жарлығымен бригада генералы атағы беріледі.