Жетібай Жылқышыұлы

Жетібай Жылқышыұлы (1940 жылы туған, Маңғыстау ауданы Таушық ауылы – 2015) — мәдениет қызметкері, шежіреші.

Жетібай Жылқышыұлы
Туған күні	1940 (1940)
Туған жері	Таушық, Маңғыстау ауданы, Маңғыстау облысы, Қазақ КСР
Қайтыс болған күні	2015 (2015)
Азаматтығы	Қазақстан  КСРО (1940–1991)
Ұлты	қазақ
Қызметі	жазушы, актер

Өмірбаяны

Еңбек жолын есепшіліктен (1958) бастаған Жылқышыұлы Таушық поселкесі кеңесі атқару комитетінің хатшысы, Маңғыстау ауданы азаматтық қорғаныс штабының бастығы (1958–1967), ауданы мәдениет үйінің директоры, «Жастар» вокалды-аспаптар ансамблінің жетекшісі (1967–1974) болды.

Шығармашылығы

Аудандық халық театрының бірқатар қойылымдарына қатысып, Қыдыш (М.Әуезов, «Түнгі сарын»), Тұрсын Ходжаев (Ш.Құсайынов, «Біздің Ғани»), Қарпық, Мұса Байжанұлы (З.Ақышев, «Келіндер», «Жаяу Мұса»), Естай (М.Төлебаев, «Біржан – Сара» операсынан үзіндіде), Дүйсен (Қ.Аманжолов, «Досымның үйленуі»), т.б. рөлдерді шебер орындаған.

Б.Тәжібаевтың «Дойыр мен домбыра» атты повесі бойынша «Ән құдіреті» атты инсценировка жазып, республикалық байқаудың лауреаты (1978) атанды. Оның кейбір шығармалары «Жыр-дария» (Ақтау, 1995), «Аманат» (1996) жыр жинақтарына енген.

1997 жылдан «Адай шежіресін» жинақтаумен шұғылданады.