Таушық

Таушық — Маңғыстау облысы Түпқараған ауданындағы ауыл, Таушық ауылдық округі орталығы.

Ауыл
Таушық
Әкімшілігі
Ел	ҚазақстанҚазақстан
Статусы	Ауылдық округ орталығы
Облысы	Маңғыстау
Ауданы	Түпқараған
Ауылдық округі	Таушық
Тарихы мен географиясы
Координаттары	44°20′58″ с. е. 51°21′06″ ш. б.44.34944° с. е. 51.35167° ш. б. / 44.34944; 51.35167
Құрылған уақыты	1930
Жер аумағы	115,6 км²
Уақыт белдеуі	UTC+5:00
Тұрғындары
Тұрғыны	▲2765 адам (2021)
Сандық идентификаторлары
Автомобиль коды	12
Таушық Таушық
Таушық шекарасы

Географиялық орны

Аудан орталығы Форт-Шевченко қаласынан шығысқа қарай 120 км жерде, Ақтау-Қаражанбас-Қаламқас жолына 8 км батысқа қарай орналасқан.

Халқы

1999	2009	2021
2116	▲2604	▲2765

Тарихы

Іргесі 20 ғасырдың 30-жылдарының басында қаланған.

Өнеркәсібі және ауыл шаруашылығы

Ауыл мағында көмір кен орны бар. Соның негізінде мұнда 1932-39 жылдары “Тау еңбек” көмір өндіретін артель жұмыс істеді. 1939-46 жылдары “Маңғышлақ көмір тресі” орналасты. 2- дүниежүзілік соғыс жылдарында мұнда көмір өндірілді. 1993 жылдан тас көмір қайтадан өндіріле бастады. Таушықта бұрынғы “Жаңажол” түйе кеңшарының негізінде шұбат өндірумен айналысатын шаруа қожалығы құрылды. Шығыс жағынан 4 км жерден Ақтау – Қаражанбас – Қаламқас мұнай құбыры өтеді және мұнай айдау стансасы орналасқан.

Көрікті орындар

Таушық округі аумағында “Дәніспан”, “Итолы”, “Шақпақ-Ата”, т.б. көпке танымал қорымдар мен тарихи ескерткіштер бар.

Инфрақұрылымы

Ауылда «Таушық ауыл шаруашылығы» ЖШС, мешіт, 1 орта мектеп, ауылдық емхана, балабақша, мәдениет үйі, кітапхана, «Қазпошта» АҚ-ның ауылдық бөлімшесі, байланыс бөлімі, 12 сауда нүктесі, орталық базар, полиция бөлімшесі, тігін шеберханасы, мейрамхана, 34 шаруа қожалығы қызмет істейді.