Жолбарыс Әбішұлы

Әбішұлы Жолбарыс (7.11. 1943, қазіргі Қазалы ауданы, Жалаңтөс Баһадүр ауылы, – 28.11. 2003, Астана) – аудармашы-журналист, мәдениет қайраткері, Қазақстан Республикасы Журналистер одағының лауреаты. ҚазМУ-дың журналистика факультетін бітірген (1969). Еңбек жолын 1963 – 65 жылы Қазалы ауданы «Ленин туы» газетінде тілші болып бастады. 1969 – 90 жылы Қазақ мемлекеттік баспасының редакторы, Қазақстан КП ОК жанындағы Партия тарихы институтында В.И. Лениннің то¬лық шығармалар жинағы басып шығару жөніндегі Бас редакциясының аға ғылыми редакторы, «Қазақстан» баспасының бұқаралық-саяси әдебиет редакциясының меңгерушісі, Қазақ ақпарат агентігі (ҚазТАГ) бас редакторының орынбасары, 1990 – 97 жылы ҚазКСР Жоғарғы Кеңесінің, Қазақстан Республикасы Парламенті Мәжілісінің аппаратында аға кеңесші, сектор меңгерушісі, Хатшылық мүшесі қызметтерін атқарды. 1997 жылдан өмірінің соңына дейін Қазақстан Республикасы Парламенті Мәжілісі Аппаратының Редакциялық-баспа бөлімінің меңгерушісі болды. Тәуелсіз еліміздің жаңадан жазылған 5 томдық «Қазақстан тарихы» академиялық басылымының алғашқы құ¬қықтарын қазақ тіліне аударды. Аудармашылардың жыл сайынғы дәстүрлі респ. байқауының жүлдесі 2004 жылдан Әбішұлы атындағы жүлде болып қайта тағайындалды.

Дереккөздер

“Қазақ Энциклопедиясы”,