Жыртқыш аңдар

Аю – денесі үлкен, икемсіз ірі жыртқыш. Түрлеріне қарай ақ аю, қоңыр аю болып бөлінеді.

Мақат – еркек аю.
Кірекей, мердек – ұрғашы аю.
Қонжық, апанақ – аюдың төлі

Арыстан – мысық тұқымдас ең ірі жыртқыш

Теңбілше, абдан – арыстанның күшігі
Қаншыр - ұрғашы арыстан
Ызақор – еркек арыстан

Жолбарыс – мысық тұқымдас, жолақ терілі ірі жыртқыш

Шері – жолбарыс
Өлекшін – ұрғашы жолбарыс
Сарымақ,шөнжік – жолбарыстың күшігі

Барыс – мысық тұқымдас, сақина тәрізді дөңгелек қара дақтары бар, шұбар түсті аң

Ілбіс – барыстың екінші бір атауы
Таутан – ұрғашы барыс
Алан –барыстың күшігі

Қасқыр – ит тұқымдас жыртқыш, бөрі, күрт (көне атау)

Арлан – ірі, күшті қасқыр
Қаншық, құртқа, шұлан – ұрғашы қасқыр
Бөлтірік – қасқырдың қарақұлақтанған күшігі
Бірішек, абадан –еркек, көсем қасқыр
Көксерек – жас қасқырдың ең мықтысы
Қорқау,көрбан – нағыз жыртқыш қасқыр
Бөрі – серекқұлақ қасқыр
Шіл бөрі – қасқырдың азғыны
Шибөрі – итке ұқсайтын қызыл түсті, тоғайлы, қамысты жерде мекендейтін шағын тұрықты қасқыр
Шоғал – қорқау қасқыр
Көкжал,атайы – арыстай үлкен ызақор қасқыр
Көкшұлан – арлан, көкжал
Майтабан – семіз қасқыр

Түлкі – құйрығы ұзын, терісі бағалы ит тұқымдас айлалы аң. Бұлақ құйрық, ақшулан, әккі сайқал, ін сақтағыш, қара үйек, қырқылжың арлан деп те аталады.

Алтай қызыл – қан қызыл түсті түлкі
Қарамалжын –күміс қара түсті түлкі
Мыршық, қаншық, қанжыр, жәутік – ұрғашы түлкі
Жаутаң, мыртот, түлкішек – түлкінің күшігі

Сілеусін – мысық тектес ірі жыртқыш

Ілбиін – ұрғашы сілеусін
Інсін – сілеусіннің күшігі

Қарсақ – түлкі тұқымдас жыртқыш Күзен – сусар тұқымдас терісі бағалы аң

Қаракүзен – сулы жерді мекендейтін жүні қалың, жылтыр түсті аң, су күзені
Құну – сусар тұқымдас, борсыққа ұқсас, түгі қалың, қара қоңыр түсті терісі бағалы аң
Борақ – еркек борсық
Әзборақ – борсықтың төлі
Қабылан – мысық тұқымдас, теңге шұбар түсті сүт қоректі жыртқыш
Қарақұлақ – мысық тұқымдас жыртқыш

Дереккөздер өңдеу

  • Жәрдем Кейкін, «Қазақы атаулар мен байламдар», «Өлке баспасы», 2006 жыл. ISBN 5-7667-6627-0